وحشتوووووووووووني

ازيكوا؟؟؟
بجد وحشتوني اوي ومفتقداكم اكتر بكتيييييييير وحشنتني تعليقاتكم وكلامكم وارائكم اللي كانت بتفرق معايا في حاجات كتير اوي وبتكمل لي وجهة نظري ...
بس معلش بقي الدراسة من ساعة مابدأت وانا مطحونة في الدروس والمدرسة ووقتي بقي ضيق جداااااااااااااا!
ادعولي ياجماعه ربنا يوفقني السنة د
ي واقدر اجيب مجموع نايس يخليني ادخل الكليه اللي الاقي نفسي فيها،انتوا عارفين انا جوايا ليكو كلام كتير جدا بس حاسة اني لو كتبته كله هيبقي مالوش اي علاقه ببعضه لانه مختلف يعني عايزة اتطمن عليكوا واحكيلكو واهزر معاكو .
يارب كلكم تكونوا بالف خير وسلامة وسعادة وصحة وكل حاجه جميله لان انتوا بجد حاجة جميلة جدا في حياتي يارب تكونو فعلا بخير
هطلب بقي منكم طلب لاني مش هقدر ادخل علي كل مدونة زي زمان لان عندي درس وامتحان بقي واييه؟؟؟
كل واحد هيقرا البوست ده في تعليقه يطمني علي نفسه وحياته وانا ان شاء الله في اقرب فرصه هدخل واقرا واتطمن عليكو لان بجد وحشتوووووووووني..
وادعولي عشان اخلص بقي من الثانوية العامة وقرفها وافضي كدة واقعد ع النت ومعاكو زي زماااااااااان فاكرين؟؟
كنت علي طول ع النت وعلي طول معاكوا وعارفه اخباركوا بس بجد لما بعدت عن المدونة حسيت بالفرق وبالجزء الناقص اللي كان قرب يكتمل جوايا بس الدرلسة الله يسامحها بقي!!!
اتفقنا بقي عشان مش عايزة ارغي كل واحد هيقرا البوست في تعليقه يطمني علي نفسه ده لو حد علق اساسا انا حاسه انكم نسيتوني بس يلا بقي قولتكم سامحوني ويارب تكونوا كلكم بخير واللي بيدرس ربنا يوفقه واللي مابيدرسش ربنا يوفقه برده.
واللي مريح بقي ولا دراسه ولا غيره ياااااااااااسلااااااااااااام بيتهيألي مش محتاج دعوة وعلي فكره مش بحسد عشان عارفه الامخاخ التحفه يعني ههههههههههههههههههه
يلا ربنا مع الجمييييع
اختكم شيتوس

يانووووور عيني

ازيكم كلكم؟؟ يارب تكونوا بخير

انا البوست اللي هكتبه اختي اتكلمت عليه ويمكن تقول اني بقلدها هههههههههههههه بس لا والله ياموني انا كمان حاسة اني عايزة اكتب وكمان انتي لما قلتيلي كتبت علي نور قلتلك انا كنت هكتب انا كمان معلش بقي حصل خير..

اللي حصل ياجماعة ان انا كنت قايلة لكم في البوست اللي فات اني كان ليا اخت حامل وهي الحمدلله ولدت وجابت(نورسين) بالمناسبة معني اسمها يعني(ضوء القمر) بجد ياجماعة نور دي نستني كل حاجه كنت شايلة همها وكفايه براءة وشها

انا ليا اختين غير جهاد متجوزين وبرده مخلفين وكدة بس جهاد دي حاجه تانيه لانها اقرب واحدة ليا وبجد بحبها اووووي

مش قادرة اقولكم اليوم اللي كانت بتولد فيه كنت عاملة ازاي بس الحمدلله انها قامت بالسلامة انا ياجماعة فرحانه اوي بجد ومن كتر فرحتي حاسة اني مش عارفه اكتب كل اللي عايزة اقوله الحمدلله وعلي فكرة انا لحد دلوقتي والله مش مصدقه ان جهاد بقت ام مش بصدق الا لما

بشيل نور وابوسها واحس بالحقيقه اللي انا فيها فعلا حبيت اشارككم معايا فرحتي ويارب انتوا كمان تحصل كل حاجه تخليكوا فرحانين ومبسوطين وان شاء الله هكتب بوست تاني عليها بس هقوم دلوقتي لانها بتعيط ومفتحه عنيها وانا عايزه العب بيها

تصبحوا علي خيييير

يخربيت ام الحفر!!!

ههههههههههههههههههه

طبعا انتوا كلكم مستغربين من العنوان لالالالا ماتستغربوش هتعرفوا كل حاجة دلوقتي

انا ياجماعة امبارح كنت نازله وسط البلد بتفرج علي لبس وكدة بجد كانت حاجة لا تطاااااااااق خااااااااالص.

طبعا كلكم عارفين الزحمة ده كمان غير انهم بيعملوا عندنا مترو فمخلي الشوارع ماشاء الله فظيعه جدااااا.

اللي حصل بقي ان انا ماليش خلق لحد والله ساعات بيتهيألي اني ممكن همسك حد اضربه بس بمسك نفسي ده غير الزحمة غير رخامة

الشباب يعني مش عارفه هما في ايه ولا في ايه ؟؟

يعني امبارح كنت واقفه بتفرج علي لبس وغصب عني ببص علي اختي لقيت واحد بيقول لي ايه (خليها بعد رمضان بقي)
هههههههههه طبعا ماردتش عليه بس والله كنت عايزة اضحك ومسكت نفسي بالعافيه وبيني وبين نفسي قلت ده عبيط دة ولا ايه

قال خليها بعد رمضان محسسني اني قلتله تعالي ياض اظبطك ههههههههههههه

المشكله انه اساسا ماكانش نايس يعني وانا لما بصيت بصيت غصب عني اكتر حاجة ممكن تضحكني لما اقابل حد اهبل كده .

المهم وانا ماشية حاسة اني مش عارفة امشي ومتنرفزة واختي كانت ماشيه معايا وهي بقي حامل وماشية مش طايقة نفسها هي كمان

يعني ماشيه شايله نفسها وشايله فرد كمان جواها الله يكون في عونها يعني هههههههههه .

بس واحنا ماشيين بقي كل مانروح مكان نلاقيهم بيحفروا فانا قلت( يخربيت ام الحفر كل شويه تحفروا ده ايه الأرف ده )

ههههههههههه المشكله ان رئيس الحي كان قاعد لا والراجل بيغمزلي مش عارفه علي اساس اني اخاف مثلا ولا ايه

ههههههههههههههههه

بس فبجد والله الشوارع بقت حاجة لا تطاق وتخلي الواحد لو نازل متشيك اخر شيااااكة من الزحمة يبقي( برعي) يعني هههههههه

واكتر مكان بكرهه في حياتي (العتبة) فظيعة اوي بجد انا بمشي هناك بتخانق مليوووووون خناقة انا والله خلقي ضيق جدا

اه بهزر واضحك وبحب الناس جداااا بس اللي يستهبل يستاهل بقي اللي يجراله مش ناقصه هي يعني.

وغير كدة المفروض انهم يفكروا شويه يعني عملوا المترو ده في توقيت غير مناسب خاااااالص رمضان والعيد والمدارس

غير الزحمة المعتادة اللي في العتبة داااايما ربنا يشفيهم بجد والله.

معندهمش وسط ياإما ينفضوا خاااااااالص ياإما يعملوا الحاجة في وقت مش مناسب يعني مثلا موضوع جبل الدويقة ده المفروض ان الحكومة كانت عارفه ان الجبل دة مهدد بالأنهيار ومفكرتش انها تصلحه وماتحركوش الا لما وقع .

ييجوا علي مكان زحمة اساسا من غير حاجة ويعملوا مترو ومافيش تمييز ان رمضان كان داخل والعيد اهو جاي والمدارس والناس

كلها بتشتري لوازمها يعني بجد لا مبالاه فظيييعة وبجد بقت حاجه تقرف اووووي امتي بقي هيتعدل حالنا؟؟؟

رصاصة رومانسية(تااااااج)

ازيكوا؟؟ شفتوا الرصاصة الرومانسية دي ههههههههههه قبل مابدأ عايزة اشكر حبيب قلبي (الرومانسي) لانه افتكرني واهداني التاج اللطيييييف دة بجد متشكرة بس يابني ده يحير اوي يلا ربنا يستر بقي المهم انتوا كويسين؟؟؟ يارب تكونوا بخير ياااااااارب بسم الله الرحمن الرحيم 1:بدأت التدوين امتي؟ودخلت عالم التدوين ازاي؟ بدأت عالم التدوين من حوالي شهرين ونصف تقريبا عرفته عن طريق اختي (د.موني) لما عملت مدونتها وكده قالتلي اعملي دة نشاط كويس وانا اتشجعت وخلتها تعمل لي المدونة اعتراف اهو هي اللي عملتلي المدونة منا كنت خيبانه ومعرفش حاجه بقي ههههههههههههههه 2:إيه كان إنطباعك في البداية؟ بصوا اصل انا كنت بشوف اختي واللي خلاني اتشجع واعمل مدونة اني كنت بشوف الناس والأراء ودي طبعا حاجه مفيدة فحبيت اني يكون ليا اصدقائي ونبتادل افكارنا وارائنا . 3:مين أكثر واحد بتحب تعليقه علي بوستك الجديد؟ بحب اشوف تعليقات كل الناس خاصة اللي اكبر مني عشان اتعلم منهم ومن كلامهم. 4:ايه أهم حاجة اتعلمتها من عالم التدوين؟ اتعملت حاجات كتير اوي اولهم اني اكتب بحرية وثانيهم اني اتقبل النصيحه سواء كانت معايا او ضدي لان انا يمكن الأول كنت بتدايق لما حد ينصحني ودة كان عيب وحش جدا فيا بس الحمدلله عديت منه علي خير. 5:حاسس إن التدوين له تأثير؟ طبعا له تأثير انا مدونتي دي بقت حاجة اساسية في حياتي يعني لازم اشوفها كل يوم وكمان اتابع اخبار الناس التانيه طبعا اثرت لإن انا الأول ماكنتش فاكرة اني هتعلق بعالم التدوين كدة . 6:اذكر 5 أحلام علي الأقل تخص ماضيك وتحلم فيها بتغيير أشياء ما ماذا ستعدل؟ وماذا ستترك؟ 1:انا السؤال ده جاوبت عليه قبل كدة في التاج اللي( حسن حنفي) بعتهولي وبصراحة ملغبطني اوي بس هعمل ايه هجاوب وخلاص الرصاصة دي جامدة اوي يارومانسي ههههههههههه 1:كان نفسي اوووي اكون مغنية 2:كان نفسي اكون دكتورة 3:ساعات كان بيبقي نفسي اكون مهندسة 4:كنت بحب اركب الخيل وكان نفسي ابقي خيال ههههههههه بس جيت في مرة اتعملت اني ماركبش خيل تاني اظن فهمتوا ليه؟؟ عادي الحصان غدر بيا وكنت هقع فبطلت من ساعتها. 5:برده كنت بحب اوي التنس وكنت عايزة ابقي لعيبة تنس وربنا يسهل بقي. انا كل اللي عايزة اسيبه في الدنيا دي عمل كويس وسيرة كويسة ورضا ربنا وابويا وامي عليا مش عايزة اكتر من كدة. 7:اذكر 5 أحلام تخص مستقبلك؟ برده جاوبت عليه قبل كدة بس يلا عادي هجاوب تاني عشان خاطرك بس 1:نفسي اكون راضيه عن نفسي بقي 2:طبعا نفسي اوي احس اني حققت حاجه من اللي بتمناها 3:نفسي لما اخلف يبقي ولادي صبيان اخلي واحد كتور،وواحد مهندس،وطبعا واحد لعيب كورة وهسميهم عمرو،أحمد،إياد 4:ونفسي كمان اكون ام كويسة جدا لأولادي واعرف اربيهم واهتم بيهم وطبعا نفسي اتجوز واحد اكون بحبه لان غير كده مش هيحصل هههههههههههههههههه 5:نفسي ماطولش في الدنيا الفانية دي وربنا يتوفاني وانا بكرامتي يعني ماكبرش بقي وابقي مكحكحة هههههههههههههههههههههه 8:أذكر شخصين علي الأقل متواجدين في حياتك حاليا كنت تود وجودهم قبل الأن بزمن؟ لا بأمانة ناس كتير اوي مش عايزة انسي حد بس انا اي حد بحبه وبيحبني بصدق طبعا كنت اتمني يكون موجود قبل الأن بزماااااااااااان. 9:أذكر شخصين علي الأقل غير متواجدين في حياتك حاليا كنت تود وجودهم الأن وفي حياة اولادك مستقبلا؟ هما فعلا اتنين عمرهم ماهيتعوضوا ابدا بجد كانوا مثال وقدوة للحب والتقدير هما تيتا وجدو بس (مامت وابو مامتي يعني)هههههه بجد كان نفسي يكونوا معايا اوي كنت هتعلم منهم حاجات كتييييييير اووووي. 10:علي من تطلق هذا الرصاص؟ لالالالالالالالالالالا انا مقدرش طبعا اطلق علي حد رصاصة دول حبايبي ههههههه بصوا ياجماعة ماتخفوش دي رصاصة رومانسية بعتهالي الرومانسي واللي هتبعتهالكم شيتوس ماتخفوش يعني يعني اووووه اهلاوي والاهلاوي مايخفش ولا ايه؟؟؟ وبرده الزملكاوي يجاوب ويخلي قلبه لون علم فريقه كده . خايفه انسي حد والله ربنا يستر د.عمرو،د.موني،حسن حنفي،حبيبة الرحمن،أخواتي حتي النخاع،يويو،حنين،ريمان،كولد أير، غلبان وليا لسان،أسير الجراح،سمو الأميرة سارة،ماجنوليا،جيمي، بصوا من الأخر حسة اني نسيت حد بس اسفة والله طب بصوا اي حد هيدخل المدونة يتفضل التاج ومن غير كسوف وماتخفش دي رصاصة حمرة اهلاويه اوووووي وان شاء الله في الجووووون.

القلعة ولا ماتش الأهلي؟؟

أزيكوووووووا؟؟عاملين ايه في الصيام ؟ انا النهارده بجد كان يوم ديزو اوي يعني كنت جعانة ومش عارفه اكل معدتي كانت واجعاني جداااااااا مش عارفة ليه وحتي المياه والله ماكنتش عارفة اشربها ولحد دلوقتي لسة مفطرتش وربنا يسهل بقي.... المهم ان بابا من امبارح قال هخرجكم وكدة فطبعا دي في حد ذاتها معجزة ههههههههههههههههههه المهم انا اساسا قلت لاء مش هخرج فلقيت اخويا جاي بيقولي بابا بيقول هنروح القلعة عشان عاملين فيها سهرات رمضانيه حلوة وكدة قلتله اااااااااااااااه ان شاء الله روحوا انت بقي قال سهرات رمضانيه مش رايحه في حتة روحوا انتوا وكمان اتدايقت اوي يعني انا كنت فاكرة خروجة نايس بقي وكدة اصل يعني القلعة دي انا رحتها قبل كدة وانا في ابتدائي كانت رحله للمتفوقين وعلي فكره انا كنت فعلا من المتفوقين مش فشر يعني ههههههههههههههههه المهم يعني قلعة ايه دي اللي اروحها ده كفايه اسمها والواحد في رمضان ومش ناقص ذنوب يعني الواحد لو راح المفروض يلبسها وبيتهيألي ده مش هيحصل يعني فبلاش نروح احسن ههههههههههههههه المهم واحنا بنفطر بابا قال هتروحوا ولا لاء؟ فبصيتلوا كدة وقلت ماشي هكسف الراجل يعني هههههههههههههه ولا ايه ؟ بس وبرده اتدايقت وماعرفتش اعمل ايه ؟ جيت بقي بعد الفطار لقيت بابا بيقولي ايه ها هتروحوا ولا تروحوا ماتش الأهلي؟؟؟؟؟؟؟؟ طبعا رحت اتحولت في ثواني وقلتله ااااااه والنبي ماشي اوكي فماما ضحكت اوي يعني انا من شويه قلتلهم مش هخرج معدتي واجعاني ولما سمعت ماتش الأهلي قلت اه ماشي طبعا ياجدعان مش عايزة كلام الأهلي حبيب قلبي وحياتي وكل حااااااجه انا بقالي كتير جدا مش بتفرج بصراحة علي متشة ليه وكدة ولا لأي حد حتي ماتش مصر اللي فات مكنتش اعرف اساسا انه هيتلعب ومتدايقه من نفسي اوووي والله انا كنت علي طول بتابع الكورة وكدة من ساعه بقي الدروس والامتحانات وانا مش متابعاها يلا ربنا يسامحها بقي المهم عشان ماطولش عليكوا انا اخيرا هخرج وهروح الاستاد دي اول مره اروح الاستاد علي فكره طبعا هتستغربوا لا متستغربوش احنا اساسا مش بنخرج يعني والمره اللي كنت هروح فيها تعبت وقعدت بس لالالالالالالا المرة دي هروح لو علي خشبة حتي ههههههههههههه بس الا بالحق يعني هو الأهلي هيلعب امتي؟؟؟؟ ومع مين؟؟؟ اعذروني مش متابعة بقالي كتير والله حقك عليا ياأهلي.

ايه دة بقي؟؟؟

اولا ازيكم؟؟؟ ثانيا انا دلوقتي متدايقه جدااااااااا لإني عملت مدونة جديدة عشان اكتب فيها ايامي وكدة يلا اهي حاجة تسليني بدل الزهق اللي انا ببقي قاعدة فيه دة المهم يعني انا المدونة دي صعبت عليا اووووووي لإنها بجد ليها عندي معزة خاصه معزة يعني بعزها ها مش معزة العيد ههههههههههههههههههههههه انا بوضح اهو عشان مايبقاش في حجه بس في ناس جديدة دخلت تعلق فانا حاسة ان كل اللي هيدخل هيشوف ايام حياتي اللي هي المدونة الجديدة ودي هتروح عليها فالمهم دلوقتي ان انا عايزة رأيكم اخليها ولا امسحها ؟؟؟؟؟؟ يعني انا لما فكرت اعملها قلت اكتب وخلاص ماكنتش اعرف ان التأثير هاييجي علي كله عادي المهم قولولي رأيكم ويارب تكونوا بخييييييير

عقدي اتسرق!!!(يانهار اخضر)

طبعا كل اللي هيقري هيفتكر ان العقد بتاعي انا ههههههههههههههه لا ياجدعان دة الموضوع اكبر من كدة بكتيييييير. بصوا :انا النهاردة ايه كنت زهقانة موووت فقلت اقلب كدة في التليفزيون واشوف ايه النظام بتاع المسلسلات وكدة فكنت جايبه قناة اوسكار دراما تقريبا تقريبا يعني عشان مش فاكرة والله والواحد صايم مش ناقصه فشر يعني مش فاكره فعلا.... المهم عشان ماطولش عليكم فكان فيه مسلسل وكالعادة جيه ايه( فاااااااااصل وسنعود)ومن هنا بقي مربط الفرس ههههههههه يعني قصدي الموضوع لقيتلكوا ايه اعلان بصوا بقي عاملين ايه : 4 شخصيات كارتون ماشي؟وجايبين مذيع يتكلم عليهم بيقول ايه بقي المذيع دة؟ بيقول ان واحده والله مش فاكره اسمها المهم يعني انها كانت عاملة عيد ميلادها وعازمة ناس اللي هما مين الاستاذه كريمه الأستاذ منير الأستاذ محمد وطبعا كل دة كارتون ها؟واساسا بيقول عازمة ناس كتير وهما يعني مش كتير ولا حاجه المهم مش دة موضوعنا . المهم مرة واحده لقينا الست اللي كانت عاملة عيد ميلادها دي بتقول ايييييييه؟؟؟؟؟ (عقدي اتسرق) بس فالمهم ان الوليه طبعا اتصدمت لقيتهم جابو الكاميرا علي مين علي مين؟قولوا معايا جابوا الكاميرا علي (الاستاذه كريمة) (طبعا دي في الأخر طلعت مسابقة من مسابقات التليفزيون) والسؤال كان ايه بقي؟ ياتري مين اللي سرق العقد1: الأستاذة كريمة 2:الأاستاذ محمد 3:الأستاذ منير قال ايه الجايزة 5000 جنيه يوميا للي هيجاوب السؤال دة. يعني بالعقل كده ياجدعان الست كانت عازمة 3 اشخاص 2 رجالة وواحده ست زيها ولما الست صاحبه العيد ميلاد قالت عقدي اتسرق جابو الكاميرا علي الزفته اللي اسمها كريمه دي وهي متوتره يبقي مين اللي سرق ام العقد يعني وبالمناسبة( العقد اللي بيتلبس في الرقبة لأحسن حد يفتكروا عقد شقة ولا حاجه لا مش ناقصه والنبي اديني وضحت اهو) المهم عشان ماطولش عليكم اكتر من كدة . لما شفت الإعلان والمسابقة دي دمي اتحرق اوي والله يعني ماشاء الله بصراحه البلد مش عارفة تودي فلوسها فين فقالت ايه لما نعمل اعلان ياعيني عشان الناس ام عقول ضعيفه تقدر تجاوب وتكسب لا وتكسب ايه 5000 جنيه كل يوم يادي الهنا يادي الهنا حاجه نايس والله. هههههههههههههههههههههههههههههههه فعلا محتاجة ضحكة سخرية كبيره اوووي اوووي مش عارفين نودي فلوسنا فين للدرجه لا ويقولك اتصل عشان تكسب وهما اللي اساسا بيكسبوا مش اللي بيتصل وقال ايه الدقيقة بجنيه ونص ده انا النهارده جالي شلل وربنا حاجه بقت ديزوووووو اوي. بلدنا اتمدنت ياجدعان اه امال ايه انتوا بتتكلموا في ايه بس يانبي انت وهي ده دلوقتي البيبي اول مايتولد بيتعين علي طول وظيفته موجوده اه امال ايه؟؟ يعني بجد بجد والله ماشاء الله ايه الجمال دة بس .... لا ولا بقي الشباب اللي برده ماشاء الله بيشتغلوا وبيتجوزوا والحاله زي الفل . تلاقي الواد لسه عيل وفي جيبه مليون جنيه اه متستغربوش متلاقيه هو كمان بيتصل بالمسابقات وتلاقيه اللئيم عارف مين اللي سرق عقد الولية(قول يابني قول دي الوليه ياعيني عليها مصدومه) ههههههههههههههه انا بصراحة قعدت اضحك علي الإعلان وضحكتي جمعت بين حاجتين اول حاجه:هبل الإعلان وانه يمكن دمه خفيف شويه. تاني حاجة:استهتارهم بعقول الشعب واستغلال حاجتهم في انهم يكسبوا علي افاهم . بس لسه في ناس برده بتفكر يعني مش كله اهبل ولا ايييييييييه؟؟؟؟ يعني الجدع يتصل يقوم قايله ايه؟( طيب حضرتك خليك ثواني هنعيدلك المشهد) وحركات كده اتفهمت فوقوا بقي!!!! دي بقت حاجه تقرف والله نفسي اشوف بس حاجه مظبوطة كده . يلا ربنا يخليلنا المسابقات ونكسب كده اه بالمناسبة انا موبايلي دلوقتي احدث حاجه يعني وانا كمان عارفه مين اللي سرق العقد خايفه اقول منا مش عارفه اجيب ايه بعديه بصراحه بس ههههههههههههههههه. وعموما انا غششتكوا اساسا الإجابة اللي عايز يكسب 5000 جنيه لا وايه ده كل يوم يعني ان شاء الله يابني هتتجوزالاسبوع اللي جاي نام واستريح وماتفكرش كتير خلي بالك مرتاح هههههههههه. يلا عرفتوا مين اللي سرق عقد الولية ولا لسه؟ لو عايز تعرف اتصل علي شيتوس في مدونه كله عادي واللي يعلق ياخد كيس شيبسي كل يوم بعد الفطار ههههههههههههه يلا اشمعني انا ؟؟اه امال فاكرين فلوس ولا ايه؟ده انتوا بتحلموا ههههههههههه...

دائما ....وابدا

ازيكم ياجماعه ؟ كلمتكوا قبل كده ف البوست اللي كان اسمه مش عارفه اني اتخنقت من تشابه كل حاجه ... قلتلكوا فيه ان الايام زي بعضها والسنين زي ماواحده راحت زي مالجديده جت كأنها نفس السنة بنفس احداثها الواحد بينام ويصحي علي نفس الأحداث مهما حاولت اني اغير او اعمل حاجه جديدة مش بكلمها دايما بتخنق ودايما مش بكمل. عامل من العوامل الاساسيه في خنقتي دي ان السنه الجديده داخله وانا مش في اي قبول اني اذاكر من اللي شفته في امتحاناتنا السنه دي علي فكره انا (في تالته ثانوي)يعني من مناظر الامتحانات السنة دي متعقدة جدا وبجد مش طايقة اني اذاكر وغير اني بقي خايفة جدااا وحاسة اني مش هحقق اي حاجة لان بالفعل انا واثقه انه هو دة اللي هيحصل .والله مش تشائم بس بعيد عنكم احباط ودة حال اي مصري دلوقتي . بالنسبة بقي لتشابه كل حاجه من ناحيه التشابه ففعلا احنا تقريبا كمان كام سنة هنبقي بإسم واحد وجسم واحد وصفات واحده اه اشمعني احنا يعني ههههههههههههه. اليوم اول ماتصحي تحس كأنه بيقولك (طيب يابن الل..... انا هوريك والله منا معدي النهاردة)اه والله انا بحس ان اليوم بيقولي كده يعني مثلا النهارده لما صحيت حسيت ان اليوم مش بيعدي ومهما بعمل برده مش بيعدي . ياسلام لو في مننا انسان عنده اصرار زي اليوم كدة دي كانت تبقي حاجه جاااامدة اوي. ياسلام لو في مننا حد مش بيتغير وبتفضل فيه كل الحاجات الحلوه ياسلااااااااام. كلنا بنتأثر لكن الايام والسنين عمرها مابتتأثر بيفضل اليوم هو اليوم مهما مرت عليه سنيييين هو نفس اليوم بجد حاجه تستحق الاستغراب... ده الانسان ده علي كده ولا حاجه لما تعدي عليه الايام واي حاجه تخليه يتغير يبقي هو فعلا ولا حاجه ولا اي حااااااجه. يمكن في ناس عندها اصرار وعزيمة بس برده بيتغيروا حتي لو من جواهم انا بتكلم عن التغير السلبي مش الإيجابي يعني مثلا حب الإستطلاع في الحاجة اللي مالهاش لازمة بيتهيألي هو ده العامل الأكبر في التغير السلبي والله اعلم لو عجبتك الحاجه دي بتبقي بعد كدة عندك عادة لابد منها ولازم تعملها . بالنسبة اني انا مخنوقة حبيت اتكلم عن اليوم وحاسة اني بجد بتكلم علي إنسان بس ونعم الإنسان انت بجد حاجه كده!!! ربنا يثبتك ويقدرنا اننا نستحملك ونستحمل رخامتك السودا هههههههههههههههه وعلي فكره العنوان دائما ....وابدا ده اليوم هو اللي بيقولها (انا كده انهارده وبكره وعلي طووووووول). انا كده(دائما..........وابدا)

لو بتحب ....هتقدر؟؟

ازيكوا؟ بجد وحشتووووووني اوووي. الموضوع اللي هتكلم فيه دة ياجماعه متفرع يعني ليه كذا حاجة ... لو بتحب اكيد هتقدر تلاقي السعادة ودي حاجه كلنا عارفينها،وبرده لو بتحب اكيد هتقدر تحس بكل حاجة انها جميلة اوي ،وبرده لو بتحب اكيد هتقدر تحس بمعني الحياة وبطعمها....كل ده احنا عارفينه .لكن اللي كلنا بنحتار فييييييييه حاجه: لو بتحب هتقدر تتحمل؟ولو اتحملت ياتري هتتحمل لحد فين ؟طاقتك هتوصل لحد فين وايه الحاجه اللي تخليك ماتقدرش تتحمل؟ يمكن من وجهات نظر مختلفة بتقول (اللي بيحب بيسامح)يعني انا معاكم اننا نسامح بس في حاجات متقدرش تسامح فيها . وكمان في ناس بتقول (بين الحبيب وحبيبته مافيش حاجة اسمها كرامة)يمكن برده !!! اللي عايزة اتكلم فيه هو اننا لما بنحب مش بنقدر نبعد وحتي لو مجروحين جرح كبير اووي بنفضل نفتكر ونحن لكل حاجة ونفتكر الحلو قبل الوحش كمان صح؟؟؟ انا بصراحة مش مركزه عشان اكتب عايزه من اللي هيقرا البوست ده يقولي ايه رأيه في موضوع ف الحب مافيش كرامه وكمان طاقتك ياتري لحد فييييين ؟؟ عارفه ان الموضوع صغير جدا بس اوعدكم اني هتكلم فيه تاني عشان انا دلوقتي مش مركزه خاااااالص بس كالعادة حبيت اكون معاكم وانتوا كمان تكونوا معايا ويارب دااااااايما...

(((تاااااااج)))

دي طبعا اول مرة اجاوب علي تاج وبشكر اوووي اخويا (حسن حنفي)هو اللي بعتلي التاج دة . هي الأسئله حقيقي صعبة ومحيرة وانا بصراحة خايفة اجاوب عليها مش عارفة ليه هما 5 اسئلة بس جباريييين هههههههه. بس هعمل ايه مقدرش لازم اجاوب وربنا يستر بقي.... بسم الله الرحمن الرحيم 1.2.3 هبتدي. اول سؤال:أذكر 5 أحلام علي الأقل تخص ماضيك وتحلم فيها بتغير أشياء وماذا ستترك؟ *زمااااان كان نفسي اكون دكتوره عشان اعالج الناس ومايبقاش في حد تعبان ،وساعات كان بيبقي نفسي اسافر بره مصر وادرس هناك وكدة هههههههه ماكنتش اعرف حاجه بقي ،وساعات كنت بقول انا هبقي مغنيه لاني بحب الغني جداااا،يعني حاجات كتير اووي مش متذكراها كلها بصراحة . س2:أذكر 5 أحلام علي الأقل تخص مستقبلك؟ *نفسي اوي اكون حاجة كويسة وارضي ربنا وارضي نفسي . وكمان نفسي اكون ام كويسة واقدر اقوم برسالة الأم الصحيحة. لما اموت الناس تفتكرني بالخير. افضل دايما مع اخواتي وعائلتي. اهم حلم بقي الاقي الصديقة اللي بدور عليها من زماااااان ومش عارفة الاقيها. س3:اذكر شخصين علي الأقل متواجدين في حياتك كنت تود وجودهم قبل الأن بزمن؟ *صديقي واخويا (محمد نشأت)بجد ده صديقي جدااا وكان نفسي يكون اخويا بجد لأنه حقيقي بالنسبة لي غاااااالي عليا اووي. *وبرده صديق تاني (محمد حسام)بحبه جدااا هو ساعات بيبقي رخم بس برده كان نفسي يكون موجود من زمااان. س4:أذكرشخصين علي الأقل غير متواجدين في حياتك حاليا كنت تود وجودهم الأن في حياتك واولادك مستقبلا؟ *اول شخص جدو ابو ماما مات وانا صغيرة وحقيقي كان انسان جميل لو كان موجود معايا لحد دلوقتي كان زماني بقيت حاجه تانيه خاااااالص بجد كان نفسي يكون معايا. تاني شخص:انا!!!!(نفسي الاقي نفسي تاني وارجع زي ماكنت زماان واقدر اكون بالنسبة لأولادي ام مثالية وان شاء الله كل شئ هيتصلح زي ماوعدتكم في البوست اللي فات). س5:لمن تهدي هذا التاج؟؟؟ لحبايب قلبي دول: دكتور عمرو، د.موني، كولد اير،حنين ،صباح الصباح ،بودة، ريمان، أ.فهمي نديم، طهقانة، احمد علام، رؤية، يويو، طهقان.

مش عارفة؟؟؟

حبيت اسمي العنوان مش عارفه لإن انا فعلا مش عارفة ........
مش عارفة اتكلم مش عارفه اكتب مش عارفة اعمل اي حاجه يعني انا بقالي كام يوم بقول هكتب ايه وفي موضوعين ف دماغي بس للأسف حاسة ان دماغي مش مترتبه ومخنوقه جدااا .
بجد ياجماعة احنا عايشين في عالم والله مالاقياله وصف غير انه عالم الخيال والأحلام الغير محققة والله كلنا بنتخيل وكلنا بنحلم وقليل اوووي اللي بيتحقق.
مهما الواحد بقي عنده أمل ومهما كان عنده طموح في بلدنا دي كل شئ بيروح ولا كأنه ليه أي لزمه.
حياة مافيهاش جديد تنام تقوم تموت هي هي مافيهاش اي تغيير روتين معتاد،يوم زي بقيت الايام ،اسبوع زي كل الاسابيع ،وسنة عدت زي سنة جت مافيش اي تجديد هي دي حياتنا وهي دي دنيتنا .
كل حاجه بنتمناها ممكن نلاقيها ياأما تضيع مننا ياأما تطلع ماتستهلكش .
انا واحده من الناس عمر ماحاجه مشيت معايا عدل ابدا ابدااااااااا.وده اللي خانقني بجد ياجماعه لازم كل حاجه ماتتظبطش معايا مش عارفه العيب فيا انا ولا في اييييييه؟؟؟؟؟
بحاول الحاجه اللي اتمناها والاقيها معايا اني احافظ عليها واشيلها في عنيا بس للأسف لازم تحصل حاجة تبعدها عني.
كل انسان مننا بيغلط وكل انسان ساعات بيتنرفز ويتدايق وكل انسان برده ليه طبعه وليه عيوبه ومميزاته.
يعني بمعني أصح عمرك ماهتقابل انسان خالي من العيوب او ملاك ربنا سبحانه وتعالي مخلقكش حد كامل .
يمكن في انسان تلاقيه عايز يتغير وفي انسان كبرياؤه عالي ومقتنع بنفسه وبشخصيته ويقول انه صح!!!لكن الإنسان الصح اللي يشوف عيبه او اخطاؤه ويحاول يصلحها في احتمال انه يتغير وفي احتمال لاء .
بس للأسف في زمننا ده في حاجات كتير اوي بقت بعض الناس بتقول انها عيوب اولهم:
الطيبة:(لو لقوا راجل طيب يقولوا عليه اهبل)
الحب:(لو واحد شاف صاحبه بيحب وبيموت في اللي بيحبها يضحك عليه ويقوله كتك خيبه انت عبيط يابني)
العقل الكبير:(تعقيد وعايز يعمل نفسه فاهم في كل حاجه)
المحترم:(بيمثل ده تلاقيه ايييييه )هههههههههه والله هم يضحك وهم يبكي مع العلم انا قلت بعض الناس في الكويس وفي الوحش.
وبيتهيألي كل واحد عارف نفسه ولا اييييييييه؟؟؟؟؟؟
المهم عشان ماطولش عليكم انا مخنوقه جدااا من دنيتنا دي والله نفسي نتغير كلنا ،كل انسان اتلوث يحاول يرجع نفسه تاني ابسط المثال انا(كنت بصلي وقريبة من ربنا جداااا لحد 2 اعدادي لكن دلوقتي اتغيرت انا مش ناسية ربنا بس للأسف مش بديله حقه)وبجد انا بحب ربنا اوووي
ونفسي ارجع تاني بس للأسف محتاجه نقطه بدايه قويه جدااا عشان اقدر ارجع زي ماكنت زماااااان.
يارب ماكونش طولت عليكم واعذروني لو كان فيه اي لغبطة في الموضوع انا مكنتش محددة انا هكتب ايه زي ماقولتلكوا بس حبيت اكون معاكوا علي طول وانتوا كمان تكونوا معايا .
يارب كلكم تكونوا بألف خير وصحة وسلامة ،ويارب دايما في قرب من ربنا كدة وبإذن الله كل اللي عايز يتغير بإيديه يصلح كل حاجة ويرجعها زي ماكانت ويمكن احسن مين اللي قال لاء؟؟؟؟؟(طيب دلوقتي انا زهقت والله عماله احاول احط صورة وبيقولي خطأ في التحميل عارفه ان البوست شكله بايخ من غير صورة اعذروني بقي اصل انا عايزة اناااااااااام ههههههههههه)

انا عايز اتجوز ياناااااااااس

اولا ازيكم ؟؟؟
اوعوا تفتكروا ان العنوان ده عليا انا لالالالالالالالا،اولا ده اسم اغنيه للمطرب كريم أبو زيد .
الموضوع نفسي اكتبه من زماااااان بس كنت متردده جدا اني اكتبه لكذا سبب :
1:ان انا لحد دلوقتي مش عارفه ليه احنا بقينا كده وكنت بحاول افكر ف الاسباب لحد مالقيتها.
2:ان انا برده الأول كنت بقول الشباب السبب في كل حاجه بس لاء مش الشباب البنات هما السبب في الأرف اللي احنا فيه ده.
3:كمان كنت هتسرع واكتب كلام كان ممكن اي حد فيكم مافهمنيش صح او زي منا اقصد.
لحد مافكرت كويس اجيب الموضوع من اي ناحيه وعرفت فقلت احط العنوان ده بيتهيألي فهمتوا انا عايزه اتكلم في ايه صح ولا ايييييه؟؟؟؟
اللي عايزة اتكلم فيه ياجماعة هو ان الشباب دلوقتي الرغبة بتتحكم فيهم جامد جدااااا ودي بقت حاجه غير عاديه بجد .
اول حاجه معذورين لإن البنات برده هما العامل الأساسي والمؤثر في الموضوع ده برده لأسباب
1:كل بنت بتشوف نفسها كبرت بتبقي عايزة تحس بأنوثتها وتلبس قصير وتعيش حياتها.
2:ان البنات بقت جريئه جداااا يعني والله ممكن تلاقي بنت وبتعاكس الولد هههههههههههههه..
يعني والله مش عايزه اطول عليكم عشان ماتزهقوش بس بجد الموضوع ده خانقني.
تمشي في الشارع تلاقي الولد يقول عاااااااايز اتجوز بقي ههههههههههه.
يعني بصراحه مش عارفه ايه ده حاجه عجيبه والله وبرده مش عارفه اكتب ومش قادرة اقولكم انا عامله كنترول علي ايدي وانا بكتب والله ههههههههههههه عشان ماحدش يفهمني غلط ؟؟؟
اللي عايزة اعرفه ليه معظم الشباب الرغبه عندهم بقت مسيطره عليهم بنسبه عاليه اوووووي طبعا دي حاجه طبيعيه عند اي انسان ربنا خلق الانسان بالرغبه دي بس يستغلها في الحلال ومن غير مايغضب ربنا ولا ايه؟
يعني دلوقتي تدخل ع الشات تلاقي برده وقاحة وقله ادب وسفاله واكيد انتوا عارفين يعني ايه اللي بيحصل..
تمشي ف الشارع تلاقي مناظر غريبه كل حاجه ع المكشوف ولا بيهمهم قله ادب بجد..
غير بقي المعاكسات والكلام القذر اللي بيتقال ...
انا من حرقه دمي والله مرة واحد من عندنا في المنطقه يعني بيعاكسني وانا رايحه وانا جايه يرخم اخر مازهقت قولتله يابني عييييييب ده احنا ولاد حته واحده يعني المفروض لما حد يعاكسني انت تدافع عني مش انت اللي تدايقني ومش قادره اقولكم والله اتكسف اد ايه بس انا هعمل ايه يعني دمي اتحرق وكان لازم اقوله كده وبيتهيألي ان كلامي ساعتها ماكنش غلط.
وبصراحة بقي كويس ومش بيبصلي حتي والحمدلله المهم عشان ماطولش عليكم ان المفروض كلنا نقرب من ربنا عشان يثبتنا ويبعد عن دماغنا التفكير في اي حاجه تغضبه وبرده نتحكم في الفاظنا واخلاقنا ومبادئنا .
علي فكره بجد انا بكتب البوست ده ويعتبر ماعرفتش اوصلكم اي حاجه لإن الموضوع كبير اووووي مش بسيط زي مااي حد متخيل.
ياتري العيب في مين حاجات كتير اوووي 1:الأفلام اللي بقت بتتعرض عادي جدا ولا كأننا في امريكا.
2:الشباب والحاجات اللي بيتفرجوا عليها طبعا انتوا فاهمين قصدي ها؟
3:البنات وحب الاستطلاع الزايد اللي عندهم اللي بيخليهم يجربوا الحاجه وبعدين يندموا.
4:كمان البنات برده عندهم المنطلق بتاع انها لازم تثبت للي معاها انها بتحبه فيقوم هو يستغل النقطه دي ويوقعها في الغلط وللأسف هي اللي بتخسر كل حااااااااااجه.
5:بعدنا عن ربنا ولهونا عن العباده الصحيحه .
6:نسينا احنا مخلوقين ليه وبنفكر في الشهوات والملذات فقط وبندور علي كل حاجه تفرحنا حتي لو كانت من الكبائر.
صدقوني حاجات كتير اوووي نفسي اكتبها بس زي ماقولتلكم انا عامله كنترول علي ايدي لإني لو طولت مش هتفهوني صح زي منا عايزة وبرده صدقوني مش عارفه اقولكوا ايه والله بس الموضوع كان خانقني وكنت عايزه اكتب فيه يارب ماكونش طولت عليكم بس ياتري انتوا ايه الاسباب اللي عندكم وياتري ايه رأيكم في الموضوع ده؟

ياعيني عليكي يامحروسة

دخلت النهارده علي الوارد بتاع ايميلي لقيت واحدة زميلتي في المدرسه بعتالي ماسج استغربت جدا طبعا لأن علاقتي بيها علاقة سطحيه جداااااا مش لدرجه اننا مثلا نوحش بعض ونبعت لبعض رسايل وعلي الأيميل كمان ههههههههههههه....بس نقدر نقول لأن كلنا مصريين..

المهم عشان ماطولش عليكم دخلت فتحت الماسج دي لقيتها بعتالي حاجه غريبه اووي بجد عن مصر الأول قعدت أضحك وبعدين سرحت وفكرت شويه مش هو ده فعلا حالنا في بلدنا اللي بجد صعبانه عليا جداا ليه وصلت للدرجه دي انا بحب مصر جدا ودة انتماء عند اي حد مصري مش أنا بس.

مع اني ماليش في السياسة بس من اللي بشوفه بيخليني بجد عايزه اطفش منها واروح اي بلد تانيه بس هي اللي خلت اي شاب او اي واحد حتي لو كان صغير انه يسيبها ويسافر لأنه حاسس انه مش هيلاقي نفسه فيها وحاسس كمان انه مالوش لزمه ياخد شهاده لأن في البلد دي اللي معاه شهاده زي اللي مش معاه بالضبط مابيحسوش ابدا ان في عقليه مختلفه او عقليه محتاجه فعلا اتاحه فرصه عشان تقدر تظهر نفسها لكن للأسف عايشين في مجتمع مهما وصفت عن قمه تخلفه مش هديله حقه ههههههههه.....حبيت اخليكم تقروا معايا عشان كل واحد يعرف حال بلده ده لو مافيش حد عارف يعني !!!!دلوقتي كل حاجه بقت علي المكشوف ولا ايه؟؟؟؟؟

وعايزه اوضح من كلامي ان بلدنا مالهاش اي ذنب للأسف سيبناها لحكومه فاسدة ورؤساء افسد منها كلامي مش معبر لاني زي ماقولتلكم مش بفهم في السياسه بس بجد مصر صعبانه عليا اوي.

يمكن الكلام دمه خفيف شويه ويمكن كمان هتضحكوا زي مانا عملت في الأول بس لو ركزنا شويه ولو دقائق هنعرف ان المفروض علينا بدل مانضحك نفكرررررررر!!!!!!

شوفوا بقي الكلام الجااااااااااامد دة(هههههههههههههههه)

لما تصحى الصبح ماتلاقيش مياه فى الحنفية!

يبقى انت اكيد...اكيد فى مصر

لما تمشى فى اى شارع وتدوس عليك عربية!

يبقى انت اكيد... اكيد في مصر

لما تروح قسم شرطة ويولعوا فيك بنار محمية

يبقى انت اكيد...اكيد فى مصر

لما تكون خريج جامعة ومش لاقى شغلانة حتى عادية

يبقى انت اكيد...اكيد فى مصر

لما تلاقى كل المناصب العليا ماسكاها عقول غبية

يبقى انت اكيد...اكيد فى مصر

لما تقف عالطريق بالساعات علشان وزير عربيته معدية

يبقى انت اكيد...اكيد فى مصر

لما تكون البلد بلدك واصواتك فى الزبالة مرمية

يبقى انت اكيد...اكيد فى مصر

لما تلاقى البلد ماشية بالرشوة والنفوذ والمحسوبية

يبقى انت اكيد...اكيد فى مصر

لما تلاقى الانتخابات مليانة قذارة وتزوير وبلطجية

يبقى انت اكيد...اكيد فى مصر

لما تلاقى مواطن فى بلده بس كرامته منفية

يبقى انت اكيد...اكيد فى مصر

لما تلاقى مرشحين الرئاسة اللى مش عالمزاج فى السجون مخفية

يبقى انت اكيد...اكيد فى مصر

هنعمل ايه بس ياجماعه نصيبنا نعيش في بلدنا وهي كده وبرده لازم نكون راضيين هنعمل ايه ؟؟؟؟؟؟واللي يجيله فرصه يغيرها يبقي ياااااسلام !!!!ده يوم المني والله .........

اتحداكي ..ياأحزاني(مجرد تخيل )

تحدي مع احزاني....

(((علي فكره ياجماعة قبل ماتقروا ....

الكلام ده أنا موجهاه للأحزان مش واحد بيحب واحده لأن في ناس كتير فهمت غلط...أنا كلامي كله موجه للأحزان يعني مش انسان يارب تعجبكم وسامحوني لو كان فيها شويه فقر هههههههه...بس بجد انا كنت كاتباها وانا متدايقه جدااااا يارب تفهموها صح وبوضح كلامي تااااااني اانا موجهه الحديث ده كله للأحزان اللي جوايا يعني بتحدي شئ معنوي مش مادي يارب تفهموني زي منا عايزه وياريت التعليق يكون بكل صراااااااحه....بس طبعا مش قبل ماتفهوني كويس الاول؟؟؟ماشي؟؟؟

اتحداكي يامن جعلتيني طوال الزمان كاليتيم الذي لا يملك سوا البكاء والأحزان .
جعلتيني قاسيه القلب لا ادري كيف اتكلم؟ وكيف افعل؟
جعلتي القسوه من طبعي ،جعلتيني انسان اخر ينظر للحياه وكأنها وهم وأنها سوف تنتهي من يوم واحد .
ولكني اوجه اليكي هذا التحدي معكي انتي وليس مع الحياه، سوف انساكي وسوف اجعلكي تتألمي مثل ماألمتيني كثيرا.
كفي وانك جعلتي ضحكتي لا تظهر الا بحساب بعد ان كانت لايكون لها ميعاد...
سوف تذهبي الي من تريدي وتأكدي انه غيري .
سوف ابعد عنك ألي الأبد وكل جسدي ممانع ان تكوني معه مره اخره واليكي هذا التحدي مني.
(عقلي) يريد ان يطرد كل ماجعلتيه يفكر فيه جعله يمل .
( قلبي) بعدما جعلتيه ينسي كل مايحبه سوف يحافظ عليه حتي يظل .
(يدي) سوف تضم يد الفرح الذي منعتيها من ضمه طوال حياتها.
و سوف ترجع لي نظرتي البريئه التي كانت نظره تدل علي اليأس والحزن.
وترجع لي ابتسامتي وسوف تبقي كما هي دائمه بعدما جعلتيها لا تجرؤ الابتسام دون اذن.
اعرف انكي لا تتحملي هذا التحدي ولكني سوف ارحمك سوف امحيكي من الوجود بداخلي وسوف ارحكمي ولن يكفيني ان انساكي فقط ولكن......
يكفيني ان انظر اليكي واجدك تنظري الي وتطلبي مني ان اسامحك وتنتظري رصاصه الرحمه حتي تموتي ولا تبقي مع احد غيري افضل اليكي من ان انساكي واذهب الي عدوك الذي رفضتي ان اكون معه .
وسوف اطيعك في هذا واطلق عليكي هذه الرصاصه حتي اجعلكي تنتهي تنتهي الي الأبد.
ولن اسمح لكي بالدخول الي مدينتي مرة أخري.
والأن اطلقت عليكي الرصاصه التي كنتي تنتظريها مني...
عفوا زمن الأحزان اصبح لدي مجرد ذكرياااااات.وهذا ماوعدتك به!!!!

بحبه اووووي ياناس (مش قلتلكم الأهلي أهلي!!!)

بجد انهارده رغم اني كنت متوتره جداااا وقلقانه وكان عندي احساس ان الزمالك هيكسب يعوضها مره تانيه بأذن الله ،وبرده لسه الزمالك زمالك وهيفضل طول عمره فرقه كويسه وكلنا بنحترمها وبنقدرها .

وبجد هما عملوا ماتش كويس، بس انا نفسي يعرفوا التقصير منين بالضبط ويصلحوه .

انا عن نفسي شايفه ان اللعيبه بصراحه بيعملوا كل جهدهم يبقا ياتري العيب في ايه؟بجد العيب في ايه؟؟؟؟؟؟؟

بالنسبه بقا للأهلي:

الحمدلله ثقتي في الأهلي وفي اداءه وخبرته عمرها ماتهزت حتي لو كان خسر برده بحبه اووووووووي.

بجد انا مش قادره اقولكم انا فرحانه ادا ايه وبيطاردني احساس غريب وقلبي بيدق بسرعه اووي من ساعه ماكسبنا وبجد كان نفسي اكون في الأستاد عشان اطلع كل الحب اللي جوايا ده .

بجد مبروك مبروك مبروك للأهلي ويارب دايما رافع رأس كل الأهلاويه ومشرفنا علي طول يارب.

وهارد لاك للزملكاويه وان شاء الله هتفرحوا قريب اوووووووووي.

بس لازم تقفوا جمب فرقتكم وماتتخلوش عن الزمالك ابدا علي قد منا حاسه انكم اكيد زعلانين منه بس افتكروا قد ايه الزمالك فرحكم وقد ايه قدم لكم انجازات وصدقوني عمركم ماهتزعلوا منه.

هختم كلامي واقول:

اني بجد بحب الزمالك وبحترمه جدا وياريت نعرف ايه سبب تأخر الزمالك لهذه الدرجه وان شاء الله كل حاجه هتتحل وبأذن الله هتفرحوا قريب اوووووي يازملكاويه وبرده هقولكم ان

**** كـــــــلـــــــــنــــــــا مــــــــــصــــــــــر****

اعمل ايه بس يااااااربي؟؟؟؟

اول حاجه ازيكوا بس عشان ماتتخضوش من العنوان ؟

انا ياجماعه دلوقتي خدت الأجازه ماشي؟(ده المفروض يعني )

مش بخرج خااااااااااالص ياما نايمه ياما بتفرج علي مسلسل نور التركي بتاع مهند عارفينه طبعا.

مشكلتي بقا ان انا كنت واخده اني انزل اروح الدروس واروح المدرسه وكده اه كانت بتبقا حاجات رخمه وكنت ساعتها ببقا مخنوقه واقول (ياساتر امتي بقا اخلص من الهم ده )وبعد مالنتيجه طلعت ويعني اقدر اقول اني نجحت والحمدلله علي اي حال .

بصوا بقا :اول مااخدت الأجازه ماكنتش حاسه بطعمها لأني كنت شايله هم النتيجه وبعد مالنتيجه طلعت ادايقت شويه وبعد كده بقيت عاديه جداا لأني الحمدلله نجحت يعني بس انا حسيت وقتها ان انا مش عارفه اعيش من غير مافكر في حاجه تدايقني ههههههههههه.

انا مش معقده والله بس مجرد تفكير في السنه الجايه واني لازم اذاكر كويس جداااااا لأني بجد اتدلعت اووووي السنه دي وكانت ثقتي بنفسي هي العامل الأساسي اني ماهتمش بمذاكرتي من اول السنه يعني يادوب كنت بروح المدرسه واجي من المدرسه انام ولما اصحي اروح الدرس ايا كان بقي،وبعد مارجع اقعد شويه وبعدين انام.

جيت بقا في الأخر بقيت اذاكر واتدلع لحد ماحسيت ان يوم امتحان العربي قرب خاصه ان العربي احنا مش بناخده من اول السنه لأني بعتبره تضييع وقت علي الفاضي لأنه مش محتاج يعني والعربي مادة سهله.

واول ماحسيت اني لازم اذاكر بقي واهتم بالمذاكره شويه بالفعل قعدت في البيت وماكنتش بنزل الا للدرس وبس وبقيت بجد بذاكر لحد ماربنا كرمني وخلصت منهج العربي كله في اربع ايام بس.

ومش قادره اوصفلكم شعوري لما خلصت ياسلام لما تحس ان ضميرك مرتاح وكفايه ان المذاكره دي حاجه بتسعد ربنا منك.

المهم حسيت اني ريحت ضميري وخلصت منهج العربي .وجيت بقا يوم الأمتحان كنت خايفه جدا لأني اول مره ادخل امتحان ثانويه عامه وكده انتوا عارفين طبعا؟

المهم دخلت الأمتحان وبجد ربنا كرمني اووووووي والعربي هو اكتر درجه انا جايباها في المواد كلها يعني هههههههههه.

وبعديه الرياضه وبعديه الانجليزي وبعديه الفرنساوي وطبعا اخر حاجه الحاجه الكيميا هههههههههههه.

المهم ان السنه عدت والحمدلله وانا نسيت النتيجه بس لازم اقرص علي نفسي بجد السنه الجايه واللي ميتعلمش من اخطاؤه يبقا ايه ياجماعه؟

ها؟

مش هتقولوا طبعا عشان مش عايزين تغلطوا فيا .لا ياجماعه ماهو مش انا بس ده اي حد مش هيتعلم من غلطه هيبقا اييييييه؟

خلاص انا هقول اللي مايتعلمش من غلطه يبقا ايه؟ يبقا ايه؟ يبقا (حمااااااااار).هههههههههههههههه.

بس انا ان شاء الله هشوف كل السلبيات اللي انا عملتها وهحاول اخليها بأذن الله ايجابيات وهحاول علي قد ماقدر اني استعيد ثقه ناس كتير اوي فيا .

طبعا انا اساسا خرجت عن الموضوع الأساسي بس معلش انا كنت عايزه افتكر الأيام دي.

اه انا بقا كنت بقول ان الدروس بعد ماكنت بتخنق منها لأن بصراحه كان بيبقا عندي في اليوم حوالي 3 دروس والله وكنت في الفتره الأخيره بتخنق من كده.

دلوقتي بقا بقول فين بس الدروس علي الأقل كنت بعمل حاجه بس عارفين انا اتغيرت كتير اووووووي.

في ايه بقا؟اني وانا صغيره كانت بالنسبه لي مذاكرتي دي كل حياااتي لدرجه اني علي نص درجه كنت بعمل للمدرس شغلانه والله ههههه.

وكمان كنت بستني لما كتب السنه الجديده تنزل في المدرسه عشان اشتريها واعرف المنهج الجديد وبالفعل كنت بذاكر وبحل كمان.(في الأجازه يعني).

بجد كنت شاطره اوي والله انا مش بشكر في نفسي عشان متفهموش غلط انا قلت ان المدونه دي هتبقي صاحبتي وانا دلوقتي بفتكر معاها ذكرياتي ههههههههههه.

دلوقتي بقا اصبحت فيا حاجه غربيه اوي اني لما اكون في الدراسه اتخنق من المذاكره وفي الأجازه اشتاقلها اووووووي بجد.

انتوا عارفين انا من كام يوم كنت هطلع ملازم الجبر واقعد احل فيها والله العظيم.

وكمان بصوا عملت ايه؟

انا ليله امتحان الكيميا كنت بدور علي ملزمه الباب السابع ههههههه ووقعت في ايدي ملزمه رياضه ولقيت نفسي سايبه مسأله قولت والله دي ان شاء الله ماكنتش عارفه احلها ليه وسبت الكيميا وقعدت حليت المسأله ههههههه مع اني كنت امتحنت الرياضه خلاص والكيميا كانت اخر ماده ليا بقي .(لأن بجد المدرس اللي كان بيديني رياضه الله يمسيه بالخير بقي كان محببني فيها اوي بجد)

المهم اني بجد اتغيرت اوي من ناحيه المذاكره بس لاء والله انا بجد السنه الجايه هرجع زي زمان ويلا كلها سنه واخلص من الثانويه العامه وقرفها خاصه ان انا دايما حظي ايه فل يعني ماشاء الله الوزير الجديد جيه علي حظي ربنا ياخده ياااااارب ادعو معايا.

وعايزه اخرج بقا زهقت مش بعمل دلوقتي الا الحاجات اللي قولتلكوا عليها ياما نايمه ياما بتفرج علي مهند يااما طبعا قاعده علي النت لحد ماايدي بتورم ههههههههههههه.

عايزه اخرج خروجه محترمه لأن خروجاتي كلها مش نايس يعني اخري تمشيه صغيره او عند حد من صحابي مش حكايه صعوبه في الخروج مع انها عامل من العوامل برده هههههههههههه.بس لأني مش متشجعه علي الخروج من صحابي الفقريين ههههههههه.

لازم يطلعولي عقده في كل حاجه حتي كان نفسي اروح متش الأهلي والزمالك وانتيمي قاللي اروح معاه بس طبعا الماتش الساعه 8.30 او 9 مش متذكره وطبيعي اني مش هينفع اجي متأخره غير طبعا ان بعض الماتش هلاقي الشوارع ايه ماقولكوش ههههههههه.

بس يلا هاقعد اتفرج في البيت وخلاص نصيبي هعمل ايه يعني هههههههه.

طبعا رغيييييييت كتير اووووووي واللي قرا اكيد بيقول ايه البت البارده التنحه الرغايه دي صح؟ههههههههههه.

بس والله انا بحب اشارككم معايا وبحب افضفض عن نفسي لأني الأيام دي محرومه من انتيمتي لأنها مشغوله حبتين هههههههه.

واخر كلمه بقا :من الأخر اللي بيخرج يقول يعني مش هحسده طالبه منك تشجيع مش اكتر شجعوني علي الخروج انا زهقانه ومش عارفه ايه المكان اللي يخليني مازهقش انا نفسي اروح قصر النيل ههههههههههه.

ايه رأيكوا ؟

قولي بقا هتاخدني فين في رأس السنه هههههههههههههههه(طبعا دي مقوله الست أطاطا)عارفينها اكيد يعني.

بس لاء هو انا لسه هستني لرأس السنه ان شاء الله ؟لا طبعا انا هفكر في مكان واخرج بسررررررررررعه .

وهبقا اقولكوا بعدين عشان مش هاخد حد معايا انا بقول اهو عشان في ناس لزقه بغرة بعيد عنكم ههههههههه.

المهم اني هحاول اخرج

انا مش عارفني.....(انا مييييييييين)؟؟؟؟؟؟

طبعا كلكم عارفين ان العنوان ده بتاع اغنيه شعبيه للحاج ده اللي اسمه عبد الباسط حموده.اللي هو (انا مش عارفني)

الاغنيه دي ياجماعه خنقاني مووووووت مش متخيلين قد ايه والله ،كل ماكون ماشيه في اي مكان الاقي الناس مشغلينها وبيسمعوها .

وبالذات في المقطع بتاع تعتبت من المفاجأه.ههههههههههه.بجد بيستقصدوني والله.

انا الاول قولت ايه الأرف ده وكنت بجد عايزه امسك اللي مشغلها ده ارزعه 100 قلم واقوله انت ايه اللي انت بتسمعه ده.

فقلت ايه طب مالأغنيه عاجبه الناس وقررت ان انا كمان اسمعها عشان اعرف ايه اللي عاجبهم فيها ،بس مش عارفه ليه رغم ان الأغنيه مش وحشه اوي للدرجه وكمان بالرغم من انها حزينه كل ماسمعها اقعد اضحك بجد مش عارفه ليه ؟

بجد ياجماعه مش بقدر امسك نفسي من الضحك كل ماسمعها ههههههههههههههههه.

انا ماقصدش اني اقلل من شأن الأغنيه او من شأن الحاج عبد الباسط.لأحسن بس هو اساسا مش عارف نفسه فما بالكوا لو احنا زعلناه هيعمل ايه .مش هيعرفنا احنا كمان والله اعلم ممكن يعمل ايه تاني بقا ماهو مش عارف نفسه ياجماعه.هههههههههه.

المهم مش عايزه اطول عليكم ان انا سمعتها بالفعل بس ماحبتهاش اوي ،بس اللي بيخنقني انها علقت مع الناس اوي مش عارفه ليه؟

يمكن لأن الناس كلها دلوقتي فعلا بتدور علي نفسها الله اعلم؟؟؟؟؟؟؟؟؟؟؟

علي فكره انا كاتبه البوست ده من غير اي تفكير مجرد ملل وحسيت اني عايزه اكتب بس للأسف الدماغ النهارده فااااضيه بعيد عنكوا.هههههههه.

فقلت اعمل ايه ؟اعمل ايه؟اعمل ايه؟ زهقتوا صح هههههههههه.

خلاص متزهقوش قررت ياجماعه ان انا اسألكم كلكم امتي تأخد عمك عبد الباسط قدوه وتقول علي رأيك ياعمنا ونعم الكلام.

وتقول (انا مش عارفني انا تهت مني انا مش انا)ههههههههههههههههههه.

والله انا بتكلم بجد متهتموش بالمغني ولا بالاغنيه خدوا الكلمات بس......

امتي ياللي هتقرا البوست ده تقول ....(انا مش عارفني انا تهت مني انا مش انا)

اكيد في وقت معين ياتري ايه هو؟؟؟؟؟؟؟

يارب اكون ماطولتش عليكوا بس بجد حسيت اني نفسي اضحك خاصه اني مش جايلي نوم لحد دلوقتي هههههههه.

فقلت اضحك واخرف شويه واضحكوا معايا ولا ايه ؟

يارب تردوا علي السؤال بقا عشان انا زهقت ومش لاقيه حاجه اكتبها.

واوعو تغلطوا لأحسن عمكوا عبد الباسط يزعل مننا لالالالالالالالالالالالالا احنا منقدرش علي زعلك ياعمنا بس يارب تكونو انتو كمان عارفين نفسكوا ولا ايه ده احنا شكلنا هنخرب الدنيا...

يلا انا هنام واللي هيدخل يقولي امتي هيقول زي عمه عبد الباسط.هههههههههههههه.

مش هقول تصبحوا علي خير لأننا الصبح هقول سلاااااااااااااااااام.

بحبك اوي يااهلي( اووووووه اهلاوي)

طبعا مش هينفع اني اقول يعني ايه الاهلي ولا اشكر فيه لحاجتين

اول حاجه:لمراعاه شعور اي شخص زملكاوي هيدخل المدونه .(ده لو لسه فيه اساسا حد زملكاوي يعني ).ههههههههههه.

تاني حاجه:ان الاهلي فعلا فريق معروف مزاياه كويس ومعروف كمان انه فريق مش بيقف علي حد ولا بيحتاج للعيبه الكبار عشان يكسب .(يعني بمعني اصح لو بلاعب واحد هيكسب برده).

بجد مش قادره سامحوني يازملكاويه مش هقدرلازم اقول يعني ايه اهلي واتكلم عنه كمان سامحوووووني بجد.

انتوا عارفين اننا كلنا مصر يعني اهلي كسب زمالك كسب كلنا مصر.

بالنسبه بقا لأي واحد زملكاوي يقول ان الأهلي بيكسب بالحظ عايزه بس افهمك حاجه :ان الكوره عمرها ماكان فيها حظ.

دايما بتتوقف المباراه علي حاجتين .اول حاجه:اداء الفريق(مش معني كده اني بقلل من قدرات الزمالك او من حسن اداءه بالعكس الزمالك امبارح نقدر نقول كمان اداءه كان احسن من الاهلي).

تاني حاجه :الخبره (الاهلي فريق من 100 سنه عايزينه يتغلب بسهوله كده انتوا بتهزروا).

تصدقوا نسيت ان في حاجه كمان ههههههه:ان الكوره مش فيها حظ كلمه اي كروي او مذيع رياضي بيقولها ان الكوره مش فيها حظ لكن فيها:توفيق وعدم توفيق وبعدين كله قدر ومكتوب عند ربنا الكوره مره ليك ومره ليا مش علي طول ليا انا .

انا اه اهلاويه جداااااااااا ومش بطيق كلمه علي الاهلي وبالرغم من كده بحترم الزمالك جداااااا وبحب لعبه وكمان بتفرج علي المتشه بتاعته بس كله كوم وماتش تليفونات بني سويف فاكرينه؟ كوم تاني ههههههههه(بصراحه ماكنش ماتش ده كان كتب كتاب )ههههههههه.

عندي حق ولا لاء؟

كمان في حاجه نفسي اي اهلاوي او اي زملكاوي يعملها انا عن نفسي دايما بعملها عارفين ايه هي؟

بصوا:احترم فريق زميلك عشان زميلك يحترم فريقك طبعا هتقولولي ازاي يعني؟

هقولكوا:لو انت اهلاوي (لما تكون قاعد مع واحد زملكاوي ماتستفزهوش وماتتكلمش عن الزمالك وحش )لانه ساعتها لو غلط في فريقك انت كمان مش هيكون غلطان .

ولو زملكاوي (برده ماتغلطش في الاهلي مع انكوا اساسا علي طول بتغلطوا حتي لو ماحدش غلط بس احنا عارفين السبب وانا بالذات عذراكوا).

يعني بمعني ادق واوضح كلنا نحترم بعض وكلنا نعرف يعني ايه اهلي ويعني ايه زمالك :الاتنين انديه كبيره مش هيودي ولا هيجيب انك تغلط فيهم .

لكن الكلمه الحلوه صدقه يعني مش هتخسروا حاجه.

عموما انا اهلاويه وبحب الزمالك وبحترمه شفته بقا فيها ايه لما كلنا نبقا كده مش الهبل اللي بيحصل ده والله امبارح عندنا في الشارع بعد الماتش لقيت شباب ماشيين يشتموا الزمالك ده طبعا جهل وقله ادب( سوري يعني).

يعني ماهو كان ممكن الزمالك يكسب وكنا احنا اللي هنتشتم عادي جدا كنتوا هتعملوا ايه بقا ؟

انا عن نفسي كان ممكن ارش عليهم شويه جاز و10 اعواد كبريت هههههههههههههه.

لأني بجد مش بطيق كلمه علي الأهلي وعشان كده بحترم الزملكاويه عشان هما كمان يحترمونا.

بس دلوقتي بجد انا اللي هبله لأني كاتبه بحبك اوي يااهلي يعني المفروض الكتابه تكون عن الأهلي بس صح؟

لا انا بحب الاتنين الاهلي والزمالك كمان .

وعايزه اقول لأي واحد زملكاوي انه مايزعلش فريقك مأثرش واداءه كان جميل اوي امبارح بجد يمكن احسن مننا كمان .

انصحك نصيحه انا عن نفسي بعملها واقولها .

الاهلي مهما خسر ومهما نزل مستواه في المباريات والمشاركات .اسمه اهلي وانتوا كلكم عارفين يعني ايه اهلي انا ماتكلمتش عليه لأن كلكم عارفين يعني ايه بجد اهلي.

وطبعا (الاهلي اهلي) وفريق مالوش حل وبحبه اوي بجد وانا علي فكره ماتكلمتش عنه اهو عشان ماحدش يزعل ويقول تحيز وتعصب والكلام الفاضي ده كله (انا مش كده). يعني اي زملكاوي يعرف حجم الفريق بتاعه ويقول برده( الزمالك زمالك مهما خسر اسمه زمالك وفريق ليه تاريخ وانجازات ماحدش يقدر ينكرها)ولا انتوا ايه رأيكوا يازملكاويه؟؟؟؟؟؟؟؟؟

نفسي في حاجه اخيره بقا :ان كلنا نبقا يد واحده الاهلاوي اخو الزملكاوي بلاش الشتايم دي .

حاجه طبعا معروفه وطبيعيه ان كل واحد يزعل لما فريقه يخسر ويقول والله منا متابعه تاني والهبل ده.

نقف جمب فريقنا حتي لو اتلغي من الفرق كلها ومابقاش يلعب وطبعا عمرها ماهتحصل ههههههههههه.انا بديكوا مثل بس .

نحترم بعض ونعرف ان كلنا مصر فيها ايه يعني مش بتشوفوا في كأس الامم الأفريقيه بنبقا عاملين ازاي كلنا يد واحده وبنشجع مع بعض واحنا واقفين او قاعدين في مكان واحد صح؟عشان بنحب مصر لازم نحترم الفرق التانيه .

الأهلي ،الزمالك ،الأسماعيلي،كلنا مصريين .

بس شفتوا امبارح الاهلاويه ولعوا الاستاد انا والله كان نفسي اروح بس يلا ماليش نصيب .هههههههههه.

انا حاسه والله ان اللي راح امبارح اكيد اتفرم او اتفطس هناك بمعني اصح يعني هههههههههههه.ربنا يكون في عونك ياللي رحت تلاقيك نايم ممدد علي سريرك دلوقتي وياتري في حد ضربكوا من الزملكاويه امبارح ولا ايه نظامكوا؟هههههههه.اه منا عارفه انهم بيعملوا كده

علي طول واحنا برده بصراحه ساعات بنعمل كده ماهو بيبقا من الغيظ بقا معلش كله بيتعذر برده مافيش تعصب مني اهو ولا تحيز للأهلي بس ربنا اللي عالم انا بحب الاهلي قد ايه ؟بجد بحبه اوي والله بيجري في دمي ياجماعه مهما حصل منه تقصير او سوء اداء برده مابزعلش عارفين ليه؟

لأني زي ماقلتلكوا (الأهلي اهلي كسب خسر اتلغي (بعد الشر طبعا وعمرها ماهتحصل ان شاء الله)برده اسمه الاهلي).

بطل القرن النادي الاهلي انتوا عارفين يعني ايه ؟

يالهوي كفايه بقا انا لو قعدت اتكلم مش هتخلصوا انهارده هقعد ارغي لحد ماخليكوا تتخنقوا والله .

عموما اخر كلمه هقولها نفسي نبعد عن التعصب والتحيز كلنا واحد ياجماعه بقا .

كـــــلــــــــنــــــــا مــــــــــــــــــــــصــــــــــــر.

زعلانه مني صح؟انا هصالحك دلوقتي يووووووه ماتزعليش بقا !!!!

اول حاجه بقولك ازيك ياحبيبتي؟ههههههههههههههههه.

طبعا انتوا عارفين انها المدونه مش حد تاني عشان انا عارفه الامخاخ الجميله بتاعت البشر.ماتزعلوش انا بهزر وطبعا كلكم حبايبي بس بصراحه الحوار ده بيني وبين المدونه ماحدش ليه دعوه بقا وماحدش كمان يتريأ ههههههههه ماشي؟

عايزه اقولك ماتزعليش مني عشان انا بجد ماكنتش بعبرك الفتره اللي فاتت دي خالص وكمان ماكنتش بسأل عليكي ولا بحكيلك زي منا متعوده معاكي وانتي كمان اتعودتي عليا اني احكيلك وافضفضلك علي اللي جوايا واللي بحس بيه .

بس انا بجد حاسه اني بخنقك معايا ومش بحكيلك الا الحاجه اللي بتكون خنقاني ومدايقاني بس، وحاسه انك خلاص اتخنقتي مني لأني دايما تعباكي معايا انتي والقلم هههههههه.(بجد والله ياجماعه بتقل عليهم اوي والله)

لان انتوا الاتنين عارفين اني ماليش غيركم اللي بفضفض ليه ،بس انتي يامدونتي بقا مش زي القلم انتي رقيقه، ومش بتتطفلي عليا وبتصبري لحد منا اجيلك واحكيلك.

لكن القلم مش قادره اقولك بيلح عليا اد ايه وكمان بيتطفل عليا جامد اوووووي لدرجه انه ممكن يخليني احكي اي حاجه مدايقاني وانا بكون مش عايزه احكيها يقعد يلح عليا ويتطفل لحد ماحكيله علي الحاجه اللي مدايقاني واكتبها .

كل اللي عايزاه منك انك ماتزعليش مني انتي الوحيده اللي بتفهميني والله ومش بتدايقيني في الدنيا دي انتي والقلم هههههه.

وكمان تفهمي اني مش عايزه اكتب فيكي اي حاجه مالهاش لازمه تخليكي تحسي انك اقل من اي مدونه تانيه ماشي ياستي؟؟؟ههههه.

بحبك اوووووووووي يامدونتي بجد بحبك!!!!!

حياتنا في هذه القصه!!!!!!!!!

في يوم من الأيام
كان هناك رجلا مسافرا في رحلة مع زوجته وأولاده وفى الطريق قابل شخصا واقفا في الطريق فسأله
من أنت'؟
قال :أنا المال .
فسأل الرجل زوجته وأولاده :هل ندعه يركب معنا ؟
فقالوا جميعا :نعم بالطبع فبالمال يمكننا إن نفعل اى شيء وان نمتلك اى شيء نريده ،فركب معهم المال ،وسارت السيارة حتى قابل شخصا آخر .
فسأله الأب : من أنت؟
فقال :إنا السلطة والمنصب .
فسأل الأب زوجته وأولاده :هل ندعه يركب معنا ؟
فأجابوا جميعا بصوت واحد :نعم بالطبع فبالسلطة والمنصب نستطيع إن نفعل اى شيء وان نمتلك اى شيء نريده ،فركب معهم السلطة والمنصب .
وسارت السيارة تكمل رحلتها ،وهكذا قابل أشخاص كثيرين بكل شهوات وملذات ومتع الدنيا حتى قابلوا شخصا .
فسأله الأب :من أنت ؟
قال :إنا الدين .
فقال الأب والزوجة والأولاد في صوت واحد :ليس هذا وقته ،نحن نريد الدنيا ومتاعها .
والدين سيحرمنا منها وسيقيدنا ،و سنتعب في الالتزام بتعاليمه و حلال وحرام وصلاة وحجاب وصيام ،و و و وسيشق ذلك علينا ،ولكن من الممكن إن نرجع إليك بعد إن نستمتع بالدنيا وما فيها ،فتركوه وسارت السيارة تكمل رحلتها ،وفجأة وجدوا على الطريق
نقطة تفتيش ،وكلمة قف .
ووجدوا رجلا يشير للأب إن ينزل ويترك السيارة ،فقال الرجل للأب :انتهت الرحلة بالنسبة لك ،وعليك إن تنزل وتذهب معى ،فوجم الاب في ذهول ولم ينطق .
فقال له الرجل :أنا افتش عن الدين......هل معك الدين؟
فقال الأب :لا ،لقد تركته على بعد مسافة قليلة فدعنى أرجع وآتى به .
فقال له الرجل :انك لن تستطيع فعل هذا فالرحلة انتهت والرجوع مستحيل .
فقال الاب :ولكننى معى في السيارة المال والسلطة والمنصب والزوجة والاولاد . و..و..و..و
فقال له الرجل :انهم لن يغنوا عنك من الله شيئا ،وستترك كل هذا وما كان لينفعك الا الدين الذى تركته في الطريق .
فسأله الاب :من انت ؟
قال الرجل :انا الموت . الذى كنت غافل عنه ولم تعمل حسابه ،ونظر الاب للسيارة .
فوجد زوجته تقود السيارة بدلا منه ، وبدأت السيارة تتحرك لتكمل رحلتها وفيها الاولاد والمال والسلطة ،ولم ينزل معه أحد .
قال تعالى :
(قل إن كان آبآؤكم و أبنآؤكم و اخوانكم و أزواجكم و عشيرتكم وأموال اقترفتموها وتجارة تخشون كسادها و مساكن ترضونها أحب إليكم من الله ورسوله و جهاد في سبيله فتربصوا حتى يأتي الله بأمره والله لايهدى القوم الفاسقين )صدق الله العظيم .

وقال الله تعالى :
(كل نفس ذآئقة الموت وإنما توفون أجوركم يوم القيامة فمن زحزح عن النار وأدخل الجنة فقد فاز وما الحياة الدنيا إلا متاع الغرور )

صدق الله العظيم.

(وهكذا تكون حياتنا في هذه القصه وللأسف لن ندري بأخطائنا الا بعد مرور الوقت وفي لحظه الموت لم ينفع البكاء او الندم فلابد من اعاده تصحيح اسلوب حياتنا حتي نكون مقتدرين علي تغيير هذه القصه الي الأحسن )

العبد والشيطان

يمكن الموضوع دمه خفيف شويه بس بجد علي اد ماهتضحكوا هتزعلوا اووووي.

(في الاول جرجرتك من خيبتك خدرتك ) هههههههه

طبعا كلنا عارفين ان العنوان والمقطع ده من اغنيه شعبيه بيغنيها مطرب شعبي اسمه (محمود الحسيني)

انا انهرده فعلا عرفت حاجه عمري ماكنت اتخيلها وخلتني افكر غصب عني في حالنا وبجد ان احنا فعلا طلعنا مانعرفش اي حاجه ..

وعارفين ايه الدليل؟؟؟؟؟؟؟ بصوا!!!!!

احنا مش كلنا بيميل للأغاني الشعبيه يمكن بيسمعها بس في فرح او ممكن كمان يسمعها غصب عنه وهو ماشي في الشارع بيقضي اي غرض...

بالنسبه للي بيميلوا للشعبي عارفين طبعا ان الاغنيه ليها جزاين تقريبا!

اول جزء (الشيطان بيوسوس للعبد)

تاني جزء(بالفعل العبد سمع كلامه واصبح غير ماكان)

احنا طبعا بنسمع الاغنيه وحبناها اووووووي عشان هي فعلا دمها خفيف وظريفه ............

بس اللي فعلا يدايق ان كلنا عارفين يعني ايه شيطان وعارفين انه ولا حااااااااااجه...... ومش محتاجين والله للكلام ده.

تخيلوا بعد ماكنا بنقول شوفتوا اغينه العبد والشيطان ؟؟؟ عارفين دلوقتي هنقول ايه ؟؟؟؟؟

**********هنقول دلوقتي(عبد الشيطان) تخيلوا!!!!!!!!*********

بجد انهرده زميل ليا علي الايميل بحترمه وبقدره جدا بنتكلم بالصدفه ولقيته بيكلمني عن عبده الشيطان اللي ظهروا تاني في مصر دلوقتي .

ازاي ياجماعه واحد عنده عقل يعمل حاجه زي دي يعبد الشيطان ؟؟؟؟؟؟؟؟؟؟

ازاي وعلي اساس ايه شاف منه ايه عشان يتخذه اله او حاجه يعبدها.

طب وهو بيفكر يعبد الشيطان ماجاش علي باله حتي انه اهو عنده عقل يفكر بيه مافتكرش اللي خلق له العقل ده؟؟؟؟؟

حاجه غريبه والله !!!!!!!!!!

الموضوع ده بجد خلاني احس انا اد ايه مقصره مع ربنا واد ايه علي كل اللي هو بيديهولنا احنا مش بنديله حقه ولو حتي بالصلاه بالرغم من كل حاجه ربنا مديهالنا قليل اوي لما بنشكره طبعا مش كلنا .

بجد ياجماعه لازم نحافظ علي علاقتنا بربنا ولازم مانزعلهوش ونخلي بالنا من شوشو اللي دلوقتي اصبح اله .......

وربنا يستر!!!!!!!!

تقريبا نتيجه الاغنيه بتقول في اخرها يعني بقيت تعرف تكدب وبتلعب علي جارتك!!!!!!!!

(ماهو اتعلم بقا)ههههههههههههه....

عاصي في الحب

وكيف احبك وقد مات فى زمانى كل معنى للحب والامان والسلام،أحيا فى مجتمع تملأه الشعارات فالحب كلام والوفاء كلام والامل كلام كل شىء زائف .

حتى الحب لم يعد بزمانى سوى حزن تكتبه الاقلام

فكيف احبك والفقر سيف يقطع رقبه من تراوده الاحلام ؟؟؟؟؟؟؟؟

عذرا مولاتى فلست جبانا ولكنى لست قارونا كى اهديكى الذهب والمرجان، لست ذاك هارون الرشيد او ذاك الذى يلبس تاج السلطان.

لوكان الحب دينا يتبع :

فاشهدى سيدتى انى أعلن العصيان لو كان الحب بحرا يسقينا لن أشرب منه وسأموت ظمآن!!!

أقولها ثانية عذرا مولاتى : فليس معى سلعه هذا الزمان .....

الحزن؟

أصبحت متعباً منهك الإحساس والبدن لم تعد حياتي لها طعم ......لم تعد كتاباتي لها معنى

الآن لقد فقدت الحلم الذي تمنيتهُ على الدوام ......لقد فقدت التي من أجلها أعيش على هذا الكوكب

لقد خرجت الروح التي تسكنني..... لقد جرحت ولم أنزف دماًبل تمزق جسدي

ولم أشعر بالألم لقد فقدت بصري ولم أعد أفرق بين الليل و النهار كم الساعةُ الآن . . .؟

لم أذق طعم النوم منذ ليالٍ طِوال لم أبتسم منذ أيامأ صبحت مريضاً سارحاً في حلم قد أصبح سرابأقسم بأني أبكي ليل نهار, صباحاً ومساء.

أصبحت طفلاً يتيماً فقد عائلته طفل كان بحضن أمهِ نائماً وأستيقظ على حادثٍ مروع .

لم أعد أشعر بدقات قلبي أريد أن أكتب إليك أيها القارئ لعلي أشعر بالراحة قليلا ًلقد مللت البحر والقمر .

ولم يبقى لي سواك رحماك يا ربي لم أعد أستطيع الكتابة أكثرأفرج عني كربتي وأرحمني بواسع رحمتك وأخرجني من هذه الواقعة الأليمة أريد أن أرجع سعيداً كما كنت سابقأ .

أريد أن أرجع , أريد أن أرجع

<كرامتي>

الكرامه من اغلي الاشياء عند الانسان اللي عنده عزه نفس وخاصه اللي كبرياؤه بيمنعه من انه يقبل اي اهانه او اي جرح.
بس اللي عايزه اعرفه هل يوجد في الحب كرامه؟؟؟؟؟

بجد سؤال اكيد كلنا محتاجين نعرفه .هتلاقي اللي موافق ان الحب لازم يكون في كرامه .وهتلاقي اللي بيقول لا كرامه في الحب.

واحيانا بيبقا الرأي التاني صح بس في حاله لما يكون الحبيب مايقصدش جرح او اهانه حبيبه سواء بكلمه او بفعل.

بس هنا لازم الحبيب يستحمل حبيبه لان كلامه هيكون ناتج عن خوفه وحبه ليه بس تحت ظروف نفسيه مثلا خلته يتكلم كده.

الحاله التانيه لما اساسا يكون مش هقول الحبيب هقول الشخص المحبوب بيتلذذ بجرح واهانه الشخص اللي بيحبه وده طبعا عمره مايبقا حب لان بجد اللي بيحب بيخاف علي مشاعر حبيبه ولو غلط بيعترف بغلطه ويعتذر .
ليه الحب دلوقتي بقا عشان نحس بيه لازم نعمل احتياطات وترتيبات؟؟؟؟؟

ده زمان كان اللي يحب بيتمني يكلم اللي بيحبها وبدون اي تفكير او تخطيط.

لكن للأسف احنا دلوقتي بنخاف ندخل في اي علاقه عشان مانتجرحش او نتهان.
ودايما نبص للحاجه الوحشه نفكر في ان لو حصلت مشاكل هنفقد كرامنتا ونقول <كرامتي>!!!!!!
ياتري الحب بجد فيه كرامه؟؟؟؟؟

تعمل ايه لما تقفل الدنيا في وشك ؟؟؟؟؟؟؟؟؟؟؟؟

احساس احيانا بيطارد اي شخص فينا حسب حالته النفسيه من خلال اي حاجه بيمر بيها لما تزعله وتحسسه انه فقد الامل في كل حاجه عنده جملتين بيقولهم.................
حظي وحش..............الدنيا قفلت في وشي
ساعتها بيبقا حاسس انه مش عارف يعمل اي حاجه وبيحس انه مالوش حد في الدنيا رغم انه بيبقا حواليه ناس كتير بس بيحس انه مش عايز يسمع حد لانه خلاص مهما الكلام كان مفيد برده هيحس انه مالوش اي لزمه من اهم الاسباب اللي بتخلي الانسان يحس بكدا لما يحلم بحاجه ومايطولهاش ساعتها تلاقيه بيقول
حظي وحش...........الدنيا قفلت في وشي
بما اننا عارفين ان مافيش حاجه اسمها حظ وان احنا بأيدينا نعمل كل حاجه كويسه وبرده بأيدينا نضيع كل حاجه .
بس المشكله ان مافيش حد بيعترف انه قصر في حاجه او ممكن يعترف بس بيبقا الوقت عدا ولما الوقت يعدي مش هنقدر نرجع حاجه او نصلح حاجه.
اكتر حاجه ممكن توجع الواحد لما يحس انه كان نفسه يبقا حاجه بس للأسف عمره ماهيقدر يحققها لأن في حاجات كتير تمنعه ساعتها برده هيقول حظي وحش وان فعلا الدنيا قفلت في وشه لانه بيحس انه مالوش مكان فيها.
حاجه عايزه اقولها لأي حد ممكن يقرأ الكلام ده .......
ماتضيعش اي فرصه من ايدك وحاول تبص دايما علي هدفك وتأكد انك هتوصله واوعي تخلي الغرور متملكك لأنه صدقوني بيضيع حاجات كتيييييييييير!!!!!!!!!!!!!!!

هل يوجد حب الان؟؟؟؟؟؟؟؟؟

سؤال بييجي علي بال كل واحد فينا .............هل يوجد حب الان ؟؟؟؟؟؟؟؟؟؟؟؟
الاجابه محيره اووي مش هنقدر نقول مافيش خالص حب لان بالفعل في حب بس للأسف بنسبه قليله اووووي
ده السؤال الرئيسي اللي ممكن يخطر علي بال اي شاب او فتاه بس ملاحظه هامه(اللي مش بيتسلوا وواخدينها جد)
بجد اصبح في اختلاف كبير جدا بين الزمن بتاعنا وزمن الناس الجميله اللي كانت بجد بتقدس الحب وكان اللي يحب يعتبر حبيبته امه واخته وصديقته وكل حاجه ليه دي حاجه عند اي واحد بيحب مش بقول انها مش موجوده دلوقتي بس للأسف الشديد دلوقتي الواحد لما بيفكر يحب مش زي زمان يسهر الليالي ويفكر لا مابيتعبش نفسه يقوم عامل ايه؟؟؟؟؟؟؟يدي رقمها لواحد يختبرها الاول لو صدت صاحبه يبقا هي متربيه وخلاص هيحبها ويرتبط بيها ولو اتكلمت مع صاحبه بنيه صافيه عشان تعرف مين بس يقول عليها انها اي حد يتصل بيها تجاريه في الكلام غير بقا انه ممكن مايعملش كدا خالص يعمل حاجه تانيه بصوا!!! يرتبط بيها ومن خلال العلاقه يقيم وده اللي صح مع ان انا شايفه ان اللي بيحب مابيشوفش عيوب اللي بيحبه حتي لو كله عيوب بالعكس يكتشفها وبينه وبين حبيبه يصلحها وبعدين مافيش انسان خالي من العيوب احنا مش ملايكه بجد لازم تفكيرنا يتغير بقا خاصه الشباب انا مش بتحيز للبنات بس البنات لما بتحب بتحب بجد وفي شباب كدا بس برده نسبتهم قليله ده دلوقتي لو واحد اخلص للي بيحبها صاحبه يتريأ عليه ويقوله انت عبيييييييط يابني؟؟؟؟؟؟؟؟؟؟؟
شوفه حالنا وصل لأيه؟؟ شوفه عالمنا بقا عامل ازاي؟؟؟؟؟؟
بجد احنا في حاجه شديده لتغيير اسلوب حياتنا اللي ان شاء الله هيودينا في دهيه ومش هنحس الا لما نروح فيها وابقوا وروني هنعمل ايه بقا
والله ماعارفه اقولكم ايه اكتر من كدا ارجو من كل اللي هيقرا كلامي يفكر ويشوف هو فين من الكلام ده وصدقوني اللي بيحاسب نفسه هو ده الانسان الصح اللي دايما هيتقدم لكن الانسان اللي بيتغاضي عن اخطاؤه وعيوبه عمره ماهيحس انه عايز يتغير وبالتالي هيفضل زي ماهو وللأسف لو حس بأخطاؤه وعيوبه هيحس بيها متأخر اووووووي وياتري ساعتها هيعمل ايه؟؟؟؟؟؟

حال الشباب

كلنا طبعا عارفين ماله حال الشباب والكلام في الموضوع ده بجد بيخليني احس ان الدنيا بقت عجيبه اوي..........

الشباب هما جيل المستقبل والمفروض يغيروا فيه للأحسن لكن احنا مش بنعمل كدا عارفين احنا بنعمل ايه؟؟؟؟؟

000بنفض ونطنش لمستقبلنا وبلدنا اهم حاجه عندنا نقلد الأجانب في ستايلهم واسلوبهم وطريقتهم في التعامل احنا بجد هنخرب الدنيا بأيدينا ياجماعه فوقوا بقا اجانب ايه بس اللي عايزين نبقا زيهم (يخربيتكوا فوووووقوووووا)
احنا في حاجات كتير اوي تمنعنا اننا نبقا زيهم اول حاجه ديننا وعاداتنا وتقاليدنا .
اه احنا شباب بنحب الروشنه والتهييس بس برده لازم يبقا لينا ستايل خاص بينا احنا منقلدش فيه حد دلوقتي الولد عشان البنت تعجب بيه لازم يفشرله فشرتين كدا عشان بس يظبطها ويكلمها طب وعلي ايه ماهي هتعرف يافالح وساعتها هيبقا منظرك وحش اوووووووي.
الكلام ده للبنت وللولد كمان.
تعالوا بقا نشوف البنات بيعملوا ايه .ماتتغروش يعني انتوا مش ملايكه برده فيكوا الوحشه وفيكوا الحلوه يعني فيه مننا نوعين ؟
اول نوع( بنت مش بيهمها المظاهر ولا اللستايل اهم حاجه عندها انها تحب وتتحب وبدون مقابل).
تاني نوع بقا (بنت اهم حاجه عندها المظاهر والواد بتاعها لازم يبقا معاه عربيه واستايل جامد موووت والكلام الفاضي ده بس دول بيبقوا لايقين علي بعض ).
لكن الكويس بياخد الكويس وياريت ياشباب نبطل نظلم الكويسين معانا يعني كل واحد يلم نفسه انت شايف البنت محترمه يبقا مافيش حاجه اسمها تسليه وصدقني في كتير اوي هتلاقيهم موافقين يتسلوا معاك وبرده نفس الكلام للبنات في ولاد بيحبوا بجد وبيخلصوا وبعدين بيأخدوا علي دماغهم .
والله الدنيا دي بقت عمله زي المرجيحه اللي كنا بنركبها واحنا صغيرين طبعا فاكرينها صح؟؟؟ههههههههه.تروح هنا شويه وهنا شويه مش ثابته الا للخلف بس وبأيدنا برده نرجعها للأمام يلا واهي اللفه بخمسين قرش ولا غليت ؟؟؟؟هههههههههههه ولو هنتشقلب زي مابنعمل دلوقتي مش عارفه بقت بكام عارفين بأيه بالعبط والهبل اللي احنا بنعمله صدقوني والله اكيد هنتشقلب ماتخافوش مش غاليه يعني .ههههههههه
ربنا يستر ونحاول نتعدل ونبطل التهييس اللي احنا فيه ده.

فعلا كله عادي

والله بجد عالمنا ده مابقاش في حدود لاي حاجه وكل حاجه بقت متاحه وعاديه جدا يعني ممكن واحد يهزأك وبعدين يقولك عااااااااااااااادي


كبر دماغك بقا انا كنت بهزر وهو اساسا مكنش بيهزر ولا حاجه ياتري العيب فينا ولا في مين بس والله مابقتش عارفه حاجه في الزمن ده


الواحد مابقاش عارف يعمل ايه يمكن الكلام مش معبر اوي بس بجد لازم اسلوب حياتنا يتغير او نحاول نتأقلم مع الناس العادييييين
ههههههههههه

ونبقا عادي نتهزأ ونسكت وماحدش يقدرنا ونسكت برده ماهو صح دلوقتي بقا (كله عاااااااااااادي)