ازيكوا؟ بجد وحشتووووووني اوووي. الموضوع اللي هتكلم فيه دة ياجماعه متفرع يعني ليه كذا حاجة ... لو بتحب اكيد هتقدر تلاقي السعادة ودي حاجه كلنا عارفينها،وبرده لو بتحب اكيد هتقدر تحس بكل حاجة انها جميلة اوي ،وبرده لو بتحب اكيد هتقدر تحس بمعني الحياة وبطعمها....كل ده احنا عارفينه .لكن اللي كلنا بنحتار فييييييييه حاجه: لو بتحب هتقدر تتحمل؟ولو اتحملت ياتري هتتحمل لحد فين ؟طاقتك هتوصل لحد فين وايه الحاجه اللي تخليك ماتقدرش تتحمل؟ يمكن من وجهات نظر مختلفة بتقول (اللي بيحب بيسامح)يعني انا معاكم اننا نسامح بس في حاجات متقدرش تسامح فيها . وكمان في ناس بتقول (بين الحبيب وحبيبته مافيش حاجة اسمها كرامة)يمكن برده !!! اللي عايزة اتكلم فيه هو اننا لما بنحب مش بنقدر نبعد وحتي لو مجروحين جرح كبير اووي بنفضل نفتكر ونحن لكل حاجة ونفتكر الحلو قبل الوحش كمان صح؟؟؟ انا بصراحة مش مركزه عشان اكتب عايزه من اللي هيقرا البوست ده يقولي ايه رأيه في موضوع ف الحب مافيش كرامه وكمان طاقتك ياتري لحد فييييين ؟؟ عارفه ان الموضوع صغير جدا بس اوعدكم اني هتكلم فيه تاني عشان انا دلوقتي مش مركزه خاااااالص بس كالعادة حبيت اكون معاكم وانتوا كمان تكونوا معايا ويارب دااااااايما... |
الخميس، 28 أغسطس 2008
لو بتحب ....هتقدر؟؟
مرسلة بواسطة شيتوس الاهلاويه اووووي في 2:20 م
الاشتراك في:
تعليقات الرسالة (Atom)
.gif)
23 شووووووط:
الحب من اهم المشاعر في الدنيا
وهو زي اي حاجه ليه مساوئ وحسنات
بصى يا قمر
الكرامه هيا اهم حاجه فى الحب
اة ممكن كل طرف يتنازل شويه علشان المركب تمشى
لكن لازم الطرف التانى يقدر تنازله دا
والا تبقى مهزله مش حب
التسامح شئ مهم وضرورى
بس برضه بشروط
وهيا انك تسامح حد يستاهل
حد باقى عليك وعارف كويس انه مكنش يقصد يغلط
الموضوع متشعب فعلا وبيختلف من حد للتانى
لكن فى المجمل
لو فيه حب بجد
اى حاجه تانيه مش هاتفرق
بس يكون حب بجد ومن الطرفين
انتى اثرتى موضوع شاااااااااااائك
لكن انا متفقة مع عمرو ان لو فيه حب بجد مش هتفرق اي حاجة تانية
هتابع التعليقات معاكى لانى فعلا عاوزة اعرف ...
تحياتي
جميييييييييييييل
الحب دا حلم جميل بيكون بين اتنين
بس لو ضاع ... بيحطم حاجات كتيير
دى اول زيارة بس بإذن الله حتتكرر..
موضوعك جميل ومميز
تحياتى وكل سنه وانتى طيبة ...
رمضان كريم
الحب ده تركيبه عجيبه وصدقينى سؤال زى ده مش هتلاقيله اجابه محدده
لان كل واحد بيحس بيه حسن حالته
يعنى لو كان فى حاله حب اوى والى لسه مجربش هيقولك اه الى بيحب بيسامح وهيستحمل
والمجروح الى جارحه واجعه اوى
هيقولك لا كل حاجه وليها حدود
فاهمه
لاكن رائى انا الشخصى
هقولهولك لما تكتبى الموضوع وانت مركزه وعامله مزاج كمان
تحياتى
البنوته الشقيه
السلام عليكم
انا من رايى ان الحب كرامه الحب احترام وتقدير
انا مش مع اللى بيقولوا ان الحب مفيش فيه كرامه
لا
بالعكس
انا مع ريمان فعلا الحب كرامه و تقدير واحترام
و مع د/ عمرو ان المفروض نسامح لكن يكون يستاهل دا مش نسامح ناس مش تقدر التسامح وتسميه ضعف و بس
كل عام وانتى بخير ياقمر
و ان شاء الله متابعه الردود و النقاش
تحياتى (:
ومن الحب ماقتل
:D
أولا ازيك ياشيتوس
ثانيا فعلا الموضوع ده جميل جدا ومفيد
ثالثا بقي والاهم انا بعتزر عن التأخير
رابعا برضوا ومهم لازم تعرفي فعلا ان الحب ده في حاجات غريبه جدا وكل كابل او اتنين بيحبوا بعض مختلفين كل الاختلاف عن اي اتنين غيرهم يعني كل واحد وبيحب ع طرقته يعني في اتنين مش يقدروا يقعدوا دقيقه من غير ما يختلفوا والاختلاف اكيد بيبقي فيه بهدله وقلة كرامه ممكن
وفي كابل يفضل قاعد مش بيتكلم خالص وفي كابل قاعد بس بيحترم في بعضه ازيك ياحبيبتي ازيك ياحبيبي الحمدلله ياروحي الحمدلله ياحياتي كده وقاعدين عمالين يضموا في كتفهم وفي كابل ......؟؟!!
فعلا الحب ده مش حد يقدر يوصفوا ولا حد يقدر يحدد معايير الاحترام او التسامح فيه لانه كميا بين اتنين طول ما الماده اللكيماويه دي فعاله تلاقي بينهم الحب فعال مهما حصل ومهما كانت الكرامه موجوده او لا وصدقيني اللي مجرب عارف انها كميا غريبه جدا مشاعر واحاسيس مختلفه بس فعلا عايز اقولك مش من حق اي حد انه يحكم ع اتنين مع بعض انهم بيحبوا بعض او لا
ودي اكتر حاجه بتضايقني شخصيا بالزات في الاصدقاء مهما كان بنت او ولد مش معني اني بحكيلك انك تحكم لا انا لما اصدقائي بيحكولي مشاكلهم مع البنات مش بحكم انا بحاول اجيب للطرف التاني اعزار مش بدافع عنه بس بحط نفسي مكانه وفي نفس الوقت بقوله فكر وشوف انت عايز ايه انما اقوله اعمل كذا او كذا ده اكبر غلط انا كده بتحكم في حاجه ممكن اقتلها وهي جميله ودي نصيحه للأصدقاء وبالزات البنات
خامسا بجد انا اسف ع الاطاله انا لقيت نفسي بكتب ويارب الكلام اللي كتبته ده يفيدك ويفيد كل اللي هيقرأه
««((¯`·«AhMed•3LaM»·´¯))»»
مفيش كرامه في الحب
عذبني اقلتني اجرحني بس ارجع
شايفه منتهي الحب دي حقيقه وواقع
مش كلام اغاني وخلاص
بقولها وهاقولها مفيش كرامه في الحب
خديها كلمه من واحد حب قوي
وانجرح قوي ولسه بيحبه
الحب هوه الدنيا والدنيا هيه الحب
مع الي يستاهل مش مع الي يستاهل
مش هتفرق مدام بتحبه بمعني كلمة الحب
سوري هيه عذبني اتعبني غلبني بس ارجع
اظلمني احرمني أألمني بس ارجع
بس انا مش بغنيها الا كده
««((¯`·«AhMed•3LaM»·´¯))»»
حسن حنفي*
اكيد زي اي حاجه ليه مساوئ وحسنات بس المهم نقدر نتحكم فيها ....شكرا لمرورك ياسحس
د.عمرو
*****************
لو عليا عايزة اكملهم 1000000 نجمة ياقمر
بجد بتنورني.
انا طبعا معاك اننا لو اتسامحنا يكون لحد يستاهل وكمان حد باقي علينا بس افرض هو مش مقدر كل ده؟؟؟هي دي القضيه...
ميرسي علي متابعتك ليا ويارب دايما منورني .
د.موني
*******
والمدونة تحت امرك ياستي انا كمان معاكي لحد مانشوف اخرتها هههههه.
غير معرف*
ميرسيىىىىىىىى
المبرمج المحترف*
اهلا بيك طبعا ويارب علي طول منورني وان شاء الله يدوم بيننا التواصل.
وكل سنه وانت بخير ياجميل.
البنوتة الشقية*
اهلا بيكي ياقمر وادعيلي بس اني اعرف اعمل مزاج الايام دي بالذات ههههههه
ميرسي ياجميل علي مرورك
ريمان*
ايوة ياجااااااااامد انت ايه ياعم الكلام الخطير ده ايوه كده هي دي الناس اللي تتاخد قدوة.
كل سنة وانتي طيبه ياريمان ويارب دايما معايا كده.
شيماء مهدي*
نورتيني ويشرفني طبعا انك تتابعي معايا الردود والنقاش كمان ياسلام ؟؟ تحت امرك ياستي
نورتيني بجد كل سنه وانتي طيبه
حسام يحيي*
قتل ايه بس يابني صلي ع النبي كده وهدي نفسك .
اعوذبلله هههههههههههه
نورتني ياحسام ويارب تكون بخير
بودة*
ياسيدي ولا يهمك مكانك موجود دايما كل سنه وانت بخير.
أحمد علام*
كل واحد ليه وجهة نظر وكل واحد ليه تجارب مر بيها علمته ازاي يتحكم ف تصرفاته ومشاعره ..
كل سنه وانت بخيييييير
إرسال تعليق