طبعا كلكم عارفين ان العنوان ده بتاع اغنيه شعبيه للحاج ده اللي اسمه عبد الباسط حموده.اللي هو (انا مش عارفني)
الاغنيه دي ياجماعه خنقاني مووووووت مش متخيلين قد ايه والله ،كل ماكون ماشيه في اي مكان الاقي الناس مشغلينها وبيسمعوها .
وبالذات في المقطع بتاع تعتبت من المفاجأه.ههههههههههه.بجد بيستقصدوني والله.
انا الاول قولت ايه الأرف ده وكنت بجد عايزه امسك اللي مشغلها ده ارزعه 100 قلم واقوله انت ايه اللي انت بتسمعه ده.
فقلت ايه طب مالأغنيه عاجبه الناس وقررت ان انا كمان اسمعها عشان اعرف ايه اللي عاجبهم فيها ،بس مش عارفه ليه رغم ان الأغنيه مش وحشه اوي للدرجه وكمان بالرغم من انها حزينه كل ماسمعها اقعد اضحك بجد مش عارفه ليه ؟
بجد ياجماعه مش بقدر امسك نفسي من الضحك كل ماسمعها ههههههههههههههههه.
انا ماقصدش اني اقلل من شأن الأغنيه او من شأن الحاج عبد الباسط.لأحسن بس هو اساسا مش عارف نفسه فما بالكوا لو احنا زعلناه هيعمل ايه .مش هيعرفنا احنا كمان والله اعلم ممكن يعمل ايه تاني بقا ماهو مش عارف نفسه ياجماعه.هههههههههه.
المهم مش عايزه اطول عليكم ان انا سمعتها بالفعل بس ماحبتهاش اوي ،بس اللي بيخنقني انها علقت مع الناس اوي مش عارفه ليه؟
يمكن لأن الناس كلها دلوقتي فعلا بتدور علي نفسها الله اعلم؟؟؟؟؟؟؟؟؟؟؟
علي فكره انا كاتبه البوست ده من غير اي تفكير مجرد ملل وحسيت اني عايزه اكتب بس للأسف الدماغ النهارده فااااضيه بعيد عنكوا.هههههههه.
فقلت اعمل ايه ؟اعمل ايه؟اعمل ايه؟ زهقتوا صح هههههههههه.
خلاص متزهقوش قررت ياجماعه ان انا اسألكم كلكم امتي تأخد عمك عبد الباسط قدوه وتقول علي رأيك ياعمنا ونعم الكلام.
وتقول (انا مش عارفني انا تهت مني انا مش انا)ههههههههههههههههههه.
والله انا بتكلم بجد متهتموش بالمغني ولا بالاغنيه خدوا الكلمات بس......
امتي ياللي هتقرا البوست ده تقول ....(انا مش عارفني انا تهت مني انا مش انا)
اكيد في وقت معين ياتري ايه هو؟؟؟؟؟؟؟
يارب اكون ماطولتش عليكوا بس بجد حسيت اني نفسي اضحك خاصه اني مش جايلي نوم لحد دلوقتي هههههههه.
فقلت اضحك واخرف شويه واضحكوا معايا ولا ايه ؟
يارب تردوا علي السؤال بقا عشان انا زهقت ومش لاقيه حاجه اكتبها.
واوعو تغلطوا لأحسن عمكوا عبد الباسط يزعل مننا لالالالالالالالالالالالالا احنا منقدرش علي زعلك ياعمنا بس يارب تكونو انتو كمان عارفين نفسكوا ولا ايه ده احنا شكلنا هنخرب الدنيا...
يلا انا هنام واللي هيدخل يقولي امتي هيقول زي عمه عبد الباسط.هههههههههههههه.
مش هقول تصبحوا علي خير لأننا الصبح هقول سلاااااااااااااااااام.
.gif)
6 شووووووط:
تعرفي حاجه اسمها دندنه
اه الي كل المصريين بيعملوها دي
يدندنو وهما شغالين وهما فاضيين المهم بيدندنو فرحانين قرفانين نفس القصه
بيدندنووووو
الاغنيه دي بقي علقت مع الناس عشان كده رتم الميوزك الي فيها الكلمات مختلفه الاغنيه تستاهل فعلا ودليل كلامي
((ان مبيعات البوم الحج عبد الباسط
عدي النص مليون نسخه دا غير النسخ التقليد ((من جريدة الدستور))
يعني هياخد جائزة الميوزك اورد
زيه زي عمرو دياب حبيب قلبي هههه
احمد علام*
مين ده بس اللي يتساوي بعمرو دياب ههههههههه.
الأغنيه فعلا حلوه بس انا مش عارفه كل ماسمعها اضحك ليه بجد مع انها حزينه هههههههه.
عموما انت عندك حق فعلا ان مبيعات الشريط ده حوالي نص مليون غير التقليد وانا هحاول احبها بس ياريت اقدر.
ميرسي اوي ياأحمد علي مرورك وتعليقك.
انا بجد تهت من الموضوع بس انتي اعلنتي الحرب ع الشعبي خدي بالك
وموضوع المقارنه اكيد احمد ما كنش يقصده
بصى ياشيتوس هانم:
عارفة عدوية ؟؟؟؟ احمد عدوية... كلنا عارفينة ( زحمة يادنيا زحمة، السح الدح امبوووو، يابنت السلطان.... وغيرها) تعرفي انه في بدايته كان مرفوض وكانو المطربين بيعتبروه حاجة كده - مش عاوزة اوصف- لدرجة ان محمد عبد الوهاب موسيقار الاجيال لما سؤل عنه قاللهم مين احمد عدوية ؟ انا ماسمعتش الاسم ده قبل كده....
مش بس كده لالالالالالالالالا ده كمان منعه من دخول ماسبيرو بعد مارفض تسجيله في الاذاعة كمغني حتي مش كمطرب
كل ده رغم النجاح اللي كان محققه مع الجمهور .... صحيح كانت وجهات النظر متباينة زي دلوقتي حولين الاغنيات الشعبية لكن برضه تذوقها كان غير عادي
دلوقتي بنفتكر احمد عدوية واسمه معروف وبنرقص علي اغنياته واحنا فرحانين وكمان ملك الاغنية الشعبية دلوقتي ( حكيم) قال اكتر من مرة انه تلميذ احمد عدوية طبعا مع الفارق
انا عن نفسي مش بسمع كتيير لكن طبيعي واحنا عندنا فرح دلوقتي بنشغل اي حاجة تعمل جو وهيصة وكده
معلش طولت؟
بس دايما هيفضل فيه فرق كبييييييير بين اللي عاوز يسمع بجد ويستمتع بصوت ولحن وكلمات وبين اللي عاوز يهيص ويتنطط ويصرخ بصوت عالي مع الاغنية
اما بقي عن سؤالك امتي هقول زي عمي عبد الباسط باشا بيه... فاعتقد اني مش هلحق اقولها لاني مش هستحمل اكون تايهه عن نفسي بالشكل اللي هو يقصده لكن ممكن يكون اي حاجة غير ان انا مش عارفة نفسي ... انا شايفة كل مبالغات الغرض منها اننا نوصل قد ايه احنا في حيرة وتشتت وكده يعني
ربنا مايوريها لحد ابدا
وتحياتي ليكي وللحاج عبد الباسط حمودة
بودة*
ليه بس يابوده اعوذبلله ياشيخ حرب ايه وبتاع ايه بس؟؟؟؟؟؟؟
ههههههههه
لا والله مش حرب ولا حاجه بس هي الأغنيه اللي خنقاني مش أكتر ....وانا عارفه طبعا ان أحمد ماكنش يقصد حاجه من المقارنه لأن اساسا مافيش اي وجه مقارنة بين عمرو دياب وبين أي مطرب شعبي أيا كان عبد الباسط حموده أو غيره ........
وعموما ياسيدي ميرسي علي مرورك.
واسفه علي توهانك
هههههههههه
أختك شيتوس
د.موني*
تحياتك ليا اوك ميرسي اوي
لكن للحاج عبد الباسط انا مااااالي
ههههههههههههه
وطبعا انا معاكي في موضوع احمد عدوية مع أنك عارفه ان انا مش بسمعله
بس مش هقول غير ان اللي ليه نصيب في حاجه بيأخدها مهما كانت الظروف كويسه او وحشه او الفرصه متاحه او غير متاحه ادام ربنا عايز كده خلاص ماحدش يقدر يوقف النصيب ....
وميرسي اووووي علي تعليقك هو اه طويل بس عاااااادي
هههههههههه
أختك شيتوس
إرسال تعليق