دخلت النهارده علي الوارد بتاع ايميلي لقيت واحدة زميلتي في المدرسه بعتالي ماسج استغربت جدا طبعا لأن علاقتي بيها علاقة سطحيه جداااااا مش لدرجه اننا مثلا نوحش بعض ونبعت لبعض رسايل وعلي الأيميل كمان ههههههههههههه....بس نقدر نقول لأن كلنا مصريين..
المهم عشان ماطولش عليكم دخلت فتحت الماسج دي لقيتها بعتالي حاجه غريبه اووي بجد عن مصر الأول قعدت أضحك وبعدين سرحت وفكرت شويه مش هو ده فعلا حالنا في بلدنا اللي بجد صعبانه عليا جداا ليه وصلت للدرجه دي انا بحب مصر جدا ودة انتماء عند اي حد مصري مش أنا بس.
مع اني ماليش في السياسة بس من اللي بشوفه بيخليني بجد عايزه اطفش منها واروح اي بلد تانيه بس هي اللي خلت اي شاب او اي واحد حتي لو كان صغير انه يسيبها ويسافر لأنه حاسس انه مش هيلاقي نفسه فيها وحاسس كمان انه مالوش لزمه ياخد شهاده لأن في البلد دي اللي معاه شهاده زي اللي مش معاه بالضبط مابيحسوش ابدا ان في عقليه مختلفه او عقليه محتاجه فعلا اتاحه فرصه عشان تقدر تظهر نفسها لكن للأسف عايشين في مجتمع مهما وصفت عن قمه تخلفه مش هديله حقه ههههههههه.....حبيت اخليكم تقروا معايا عشان كل واحد يعرف حال بلده ده لو مافيش حد عارف يعني !!!!دلوقتي كل حاجه بقت علي المكشوف ولا ايه؟؟؟؟؟
وعايزه اوضح من كلامي ان بلدنا مالهاش اي ذنب للأسف سيبناها لحكومه فاسدة ورؤساء افسد منها كلامي مش معبر لاني زي ماقولتلكم مش بفهم في السياسه بس بجد مصر صعبانه عليا اوي.
يمكن الكلام دمه خفيف شويه ويمكن كمان هتضحكوا زي مانا عملت في الأول بس لو ركزنا شويه ولو دقائق هنعرف ان المفروض علينا بدل مانضحك نفكرررررررر!!!!!!
شوفوا بقي الكلام الجااااااااااامد دة(هههههههههههههههه)
لما تصحى الصبح ماتلاقيش مياه فى الحنفية!
يبقى انت اكيد...اكيد فى مصر
لما تمشى فى اى شارع وتدوس عليك عربية!
يبقى انت اكيد... اكيد في مصر
لما تروح قسم شرطة ويولعوا فيك بنار محمية
يبقى انت اكيد...اكيد فى مصر
لما تكون خريج جامعة ومش لاقى شغلانة حتى عادية
يبقى انت اكيد...اكيد فى مصر
لما تلاقى كل المناصب العليا ماسكاها عقول غبية
يبقى انت اكيد...اكيد فى مصر
لما تقف عالطريق بالساعات علشان وزير عربيته معدية
يبقى انت اكيد...اكيد فى مصر
لما تكون البلد بلدك واصواتك فى الزبالة مرمية
يبقى انت اكيد...اكيد فى مصر
لما تلاقى البلد ماشية بالرشوة والنفوذ والمحسوبية
يبقى انت اكيد...اكيد فى مصر
لما تلاقى الانتخابات مليانة قذارة وتزوير وبلطجية
يبقى انت اكيد...اكيد فى مصر
لما تلاقى مواطن فى بلده بس كرامته منفية
يبقى انت اكيد...اكيد فى مصر
لما تلاقى مرشحين الرئاسة اللى مش عالمزاج فى السجون مخفية
يبقى انت اكيد...اكيد فى مصر
هنعمل ايه بس ياجماعه نصيبنا نعيش في بلدنا وهي كده وبرده لازم نكون راضيين هنعمل ايه ؟؟؟؟؟؟واللي يجيله فرصه يغيرها يبقي ياااااسلام !!!!ده يوم المني والله .........
.gif)
18 شووووووط:
very nice! hahahahaha
the stock market*
thanke you very much
you make me happy from your comment
welcome in my blog any time
your sister shitos
شكرا على مرورك يا شيتوس
عن تعليقى على آخر موضوعاتك :
بس برضه لو لقيتى حد بيطيب خاطرك وانتى زعلانه تبقى اكيد فى مصر ، ولو لقيتى حد بيحبك اكتر من نفسه تبقى أكيد فى مصر ، ولو فتحتى الحنفيه ومالقيتيش ميه والجيران ادوكى ميه من عنيهم تبقى اكيد فى مصر ، ولو حد خبطه عربيه ولقى الف واحد يودوه المستشفى ويتبرعولو بدمه تبقى اكيد فى مصر ، ولو دخلتى قسم واتظلمتى ولقيتى صحفيين وناس مهتمه بتدافع عنك من غير سبب تبقى اكيد فى مصر ، وهكذا ....
مصر دول ودول ، مش كده برضه ، ده كفايه انى لما ازعل شويه افكر ان مصر فيها انتم ....
بالمناسبه برعى بيسلم عليكى
أ\فهمي نديم *
اكيد طبعا في الوحش وفي الحلو بس بيتهيألي نسبه الوحشين اكتر الأيام دي ههههههههههههه.....ميرسي علي مرورك ويارب دايما مشرفني ومنورني ...
تحياتي ليك
واه صح قول لبرعي الله يسلمك وبلغه برده تحياتي هههههههه...
شيتوس
ذاكر جامد ومتنجحش
يبقي انت اكيد في مصر
ولما تتخرج ومتشتغلش
يبقي انت اكيد في مصر
ولما تشتغل ومتكسبش
يبقي انت اكيد في مصر
ولما تخطب ومتتجوزش
يبقي انت اكيد في مصر
عظيمه يا مصر يا ام الدنيا ...
بس بردو بنبحك وهنعيش ونموت فيكي
حتي لو هنموت من الجوع.. اوحتي في اقسام البوليس
هههههههههه
احمد علام*
ميرسي علي مرورك
أختك شيتوس
ازيك ياشيتوس سوري ع التأخير
الموضوع هايل بس ماتوصلش للدرجه دي ع العموم الموضوع هايل ومش عايز اقول انه صحيح لدرجة 100% ومش عايز اقول انه غلط والردود كانت جميله جدا
بودة*
هو بصراحة انت اول مره تتأخر عندي في تعليق خاصة وانك عارف رأيك بيهمني اد ايه.....عموما حصل خير وانا عذراك
وميرسي اوي علي متابعتك ليا
وتحياتي ليك
أختك شيتوس
وكلناااااااااا بنحبها, وانت اكيد فى مصر, والبوست دا اكيد اللى كاتباه واحده ومن مصرههههههههههههه,
ربنا يعينا ويقوينا بجد.
وبردوا بنحب مصر
بلادى بلادى لكى حبى واه من عذابى
لكى تحياتى
حنين
حنين*
اه طبعا كلنا بنحبها وعشان كدة نفسنا نغيرها واكيد فعلا حد من مصر هو اللي كاتبه هههههههههه
وبرده اكيد دي بلادنا ولازم نحبها ونديها قلبنا كمان وعلي رأيك بقي ربنا فعلا يعينا ويقوينا هههههههه
ميرسي علي مرورك وتحياتي ليكي
أختك شيتوس
هههههههههههههههههههه
والله تحفه يا شيتوس
بس هاضيفلك حاجه
لما الأهلى يكسب الزمالك كل شويه
يبقى انتى اكيد فى مصر:))
blue wave*
تصدق نسيتها دي والله .........هههههههه يلا مش مشكله بقي ...
متشكره بجد علي مرورك وتحياتي ليك
أختك شيتوس
الكلام مع انة كوميك انما معبر جدا.. بس مين دلوقتى يقدر يقول انة فخور انة مصرى.. وهوة بيتهان برة وجوة.. ومالوش اى قيمة..
ولازم كل واحد فينا على قد ما يقدر حتى فى ظل الفساد دة انة يحاول يكون لة قيمة ذاتية حتى لو فى الاخر البلد نفضت لة.
تحياتى وتقبلى مرورى
صباح الصباح*
فعلا عندك حق ان الكلام كوميك وانا ذكرت كده في بدايه كلامي بس طبيعي ان كلنا نتأثر بيه زي مانت قلت .....
وكل كلمه انت قلتها عندك حق فيها بس لازم نستحمل هنعمل ايه يعني؟؟؟؟
نورت المدونه وطبعا متقبله مرورك
أختك شيتوس
^_^
يبقي انت أكيد في مصر حقيقي هم يبكي و هم يضحك بس انا برده بقول ان مصر هي اللي لها الحق علينا و احنا اللي بنعمل كده فيها مش هي اللي بتعمل كده فينا
بوست جامد و ساخر مع تحياتي
cold air*
نورت المدونه والله اهلا بيك وميرسي علي تعليقك ومرورك ....
أختك شيتوس
بما اننا ولاد نادى واحد يعنى واهلاوية زى بعض يبقى تقبلى تحياتى واعجابى ببوستك الصريح والله احنا بالفعل عايشيت كدا ورغم كل دا برده بنحبها ومش نقدر نبعد عنها وحتى لو قدرنا وبعدنا شوقنا تانى بيرجعنا
تحياتى
يويو
يويو*
اهلا بيكي ياقمر بجد نورتيني والله وعلي رأيك بقي إحنا ولاد نادي واحد وأهلاويه زي بعض....ههههههه
تشرفيني في اي وقت ،وميرسي علي مرورك وتعليقك ...
تحياتي ليكِ
أختك شيتوس
إرسال تعليق