يمكن الموضوع دمه خفيف شويه بس بجد علي اد ماهتضحكوا هتزعلوا اووووي.
(في الاول جرجرتك من خيبتك خدرتك ) هههههههه
طبعا كلنا عارفين ان العنوان والمقطع ده من اغنيه شعبيه بيغنيها مطرب شعبي اسمه (محمود الحسيني)
انا انهرده فعلا عرفت حاجه عمري ماكنت اتخيلها وخلتني افكر غصب عني في حالنا وبجد ان احنا فعلا طلعنا مانعرفش اي حاجه ..
وعارفين ايه الدليل؟؟؟؟؟؟؟ بصوا!!!!!
احنا مش كلنا بيميل للأغاني الشعبيه يمكن بيسمعها بس في فرح او ممكن كمان يسمعها غصب عنه وهو ماشي في الشارع بيقضي اي غرض...
بالنسبه للي بيميلوا للشعبي عارفين طبعا ان الاغنيه ليها جزاين تقريبا!
اول جزء (الشيطان بيوسوس للعبد)
تاني جزء(بالفعل العبد سمع كلامه واصبح غير ماكان)
احنا طبعا بنسمع الاغنيه وحبناها اووووووي عشان هي فعلا دمها خفيف وظريفه ............
بس اللي فعلا يدايق ان كلنا عارفين يعني ايه شيطان وعارفين انه ولا حااااااااااجه...... ومش محتاجين والله للكلام ده.
تخيلوا بعد ماكنا بنقول شوفتوا اغينه العبد والشيطان ؟؟؟ عارفين دلوقتي هنقول ايه ؟؟؟؟؟
**********هنقول دلوقتي(عبد الشيطان) تخيلوا!!!!!!!!*********
بجد انهرده زميل ليا علي الايميل بحترمه وبقدره جدا بنتكلم بالصدفه ولقيته بيكلمني عن عبده الشيطان اللي ظهروا تاني في مصر دلوقتي .
ازاي ياجماعه واحد عنده عقل يعمل حاجه زي دي يعبد الشيطان ؟؟؟؟؟؟؟؟؟؟
ازاي وعلي اساس ايه شاف منه ايه عشان يتخذه اله او حاجه يعبدها.
طب وهو بيفكر يعبد الشيطان ماجاش علي باله حتي انه اهو عنده عقل يفكر بيه مافتكرش اللي خلق له العقل ده؟؟؟؟؟
حاجه غريبه والله !!!!!!!!!!
الموضوع ده بجد خلاني احس انا اد ايه مقصره مع ربنا واد ايه علي كل اللي هو بيديهولنا احنا مش بنديله حقه ولو حتي بالصلاه بالرغم من كل حاجه ربنا مديهالنا قليل اوي لما بنشكره طبعا مش كلنا .
بجد ياجماعه لازم نحافظ علي علاقتنا بربنا ولازم مانزعلهوش ونخلي بالنا من شوشو اللي دلوقتي اصبح اله .......
وربنا يستر!!!!!!!!
تقريبا نتيجه الاغنيه بتقول في اخرها يعني بقيت تعرف تكدب وبتلعب علي جارتك!!!!!!!!
(ماهو اتعلم بقا)ههههههههههههه....
.gif)
7 شووووووط:
بجد انا مش بسمع شعبي ومش بحبه خالص ما علينا المهم اني عرفت انك مسلمه والحمدلله وكمان انك حطيتي ايدك علي موضوع مهم وعلي نقطه اهم الموضوع انه الشيطان بقي رب ازاي هي دي النقطه اننا قصرنا في واجبتنا اتجاه ربنا سبحانه وتعالي ففي ناس خلت الشيطان رب وايه مصلحتها في كده انهم يشككونا في دينا والمشكله الاكبر ان عبدة الشياطين دول اغلبهم مسلمين ربنا يعفي عنهم وعنا ويهديهم ويهدينا ويغفر لهم ويغفر لنا اسف ديما بطول بس بجد غصب عني
الحمدلله فعلا اننا مسلمين
واول حاجه ازيك عامل ايه؟
وانا والله بكون سعيده جدا بتعليقاتك مها كانت طويله اهم حاجه انها مشاركه ومفيده
بشكرك علي مرورك ومتابعتك
شيتوس
انا فعلا اخدت فترة اسمع الأغنية ديه عشان اعرف ايه اللي عجب الناس فيها وبصراحة معرفتش
وده سر الشعبي متعرفش ازاي الناس بتندمج معاه .. هل لانه بسيط .. ام لانه بيعبر عن واقعهم .. ولا لبساطة الجمل اللحنية فيه فالكل بيغنيه.. ما علينا
بالنسبة لعبدة الشيطان أنا شايف ان الموضو كله ضعف انساني .. سيكولوجية مريضة بتحب مبدأ خالف تعرف .. الأديان اللي كل البشر بتحترمها الاديان السماوية .. ورغم اندثار المسيحية واليهودية وبقاء الاسلام كآخر الأديان السماوية الا اننا بنتقبل ان الواحد يبقى مسيحي او يهودي
انما تقولي بوذي بيعبد صنم لا بيقدم ولا يأخر
أو تقولي عبدة شيطان بيمجد في شيطانه ليل نهار
فده عقلية مريضة لا أمل في شفائها
وربنا يهدي جميع البشر مسلمين وغير مسلمين
اللهم آمين
موضوع عبدة الشيطان ده موضوع قديم يمكن ابتدى يرجع تاني دلوقتي
انا رايي من راي الاستاذ اسامه ان اغلبهم بيكونوا مخهم بايظ (عندهم امراض نفسية يعني) بس في شباب منهم بيكونوا مروا بظروف صعبه او احباطات فوصل بيهم الحال لكده
وعموما ربنا يهديهم ويهدينا
والله يااسلام انت واسامه الشباب كله دلوقتي متخبط معني كنا ان كلنا نعبد الشيطان؟؟؟؟؟؟؟؟
ميتهيأليش ان ده عامل اساسي يعني اكيد في اسباب تانيه ؟ولازم نبحث عنها
ميرسي اوي علي تعليقكم
بالنسبة للاغنية ديه انا سمعتها قهر كده وانا فى المصيف
ههههه
هيه الكلمات حلوة بس الاداء غريب الشكل والملامح
بالذات الحتة بتاعة جوجوجوجوجوجو
ههههههه
مش عارف ايه دخلها بالاغنية اصلا
بس ماعلينا خلينا فى المهم
على فكرة نسبة عبدة الشيطان اللى تقصديهم قليلة مش كتير خالص
بس النسبة الاكبر اللى بيعبدوا الشيطان وهما مش عارفين
الشيطان يقول يمين يبقة يمين يبقة شمال
ده فيه اصلا ناس بقت مش محتاجة شيطان بقت متبرمجة
ربنا يهيدنا جميعاً
seven:ميرسي اوي ياجميل علي مرورك وتعليقك وفعلا ربنا يهدينا جميعا
اختك شيتوس
إرسال تعليق