اول حاجه بقولك ازيك ياحبيبتي؟ههههههههههههههههه.
طبعا انتوا عارفين انها المدونه مش حد تاني عشان انا عارفه الامخاخ الجميله بتاعت البشر.ماتزعلوش انا بهزر وطبعا كلكم حبايبي بس بصراحه الحوار ده بيني وبين المدونه ماحدش ليه دعوه بقا وماحدش كمان يتريأ ههههههههه ماشي؟
عايزه اقولك ماتزعليش مني عشان انا بجد ماكنتش بعبرك الفتره اللي فاتت دي خالص وكمان ماكنتش بسأل عليكي ولا بحكيلك زي منا متعوده معاكي وانتي كمان اتعودتي عليا اني احكيلك وافضفضلك علي اللي جوايا واللي بحس بيه .
بس انا بجد حاسه اني بخنقك معايا ومش بحكيلك الا الحاجه اللي بتكون خنقاني ومدايقاني بس، وحاسه انك خلاص اتخنقتي مني لأني دايما تعباكي معايا انتي والقلم هههههههه.(بجد والله ياجماعه بتقل عليهم اوي والله)
لان انتوا الاتنين عارفين اني ماليش غيركم اللي بفضفض ليه ،بس انتي يامدونتي بقا مش زي القلم انتي رقيقه، ومش بتتطفلي عليا وبتصبري لحد منا اجيلك واحكيلك.
لكن القلم مش قادره اقولك بيلح عليا اد ايه وكمان بيتطفل عليا جامد اوووووي لدرجه انه ممكن يخليني احكي اي حاجه مدايقاني وانا بكون مش عايزه احكيها يقعد يلح عليا ويتطفل لحد ماحكيله علي الحاجه اللي مدايقاني واكتبها .
كل اللي عايزاه منك انك ماتزعليش مني انتي الوحيده اللي بتفهميني والله ومش بتدايقيني في الدنيا دي انتي والقلم هههههه.
وكمان تفهمي اني مش عايزه اكتب فيكي اي حاجه مالهاش لازمه تخليكي تحسي انك اقل من اي مدونه تانيه ماشي ياستي؟؟؟ههههه.
بحبك اوووووووووي يامدونتي بجد بحبك!!!!!
.gif)
9 شووووووط:
ايون صح كل واحد لازم يخلي باله من المدونه بتعته عشان هي من اوفي الاصدقاء والحمدلله اني عندي صديق وافي بس المدونه بتعتي مش بقدر استغني عنها وعلي فكره ياشيتوس ده من الاخلاص انك تحبي حاجتك وتخافي علي مشاعرها حتي لو كانت صماء
اولا : انتي عندك حق لانك اهملتيها فعلا وهي كانت بتشتكيلي منك كل ما ادخلها وانتي مش كاتبة فيها حاجة جديدة ... بس برافو عليكي عرفتي تاكلي بعقلها حيلاااااااوة
ههههههههه
بودة*
اول حاجه انت شكلك متدايق صح؟
تاني حاجه بشكرك علي تعليقك وطبعا لازم الواحد يحافظ علي شعور الحاجه اللي معاه حتي لو كانت صماء عجبني اوي تفكيرك بجد ميرسي علي مرورك.
د.موني
والله ابدا مش باكل بعقلها حلاوه ولا حاجه بس انا فعلا قصرت معاها وكنت عايزه اصالحها لاحسن تزعل مني دي تبقا مشكله ده انا من كتر الخنقه ممكن اتجنن هههههههه.
وعموما هي رضيت عني خلاص وبعدين حتي لو كلت بعقلها حلاوه مدونتي وانا حره فيها (الله ده ايه ده)هههههه.
ميرسي علي مرورك وتعليقك.
ربنا يحميكى يا شيتوس
طبعا متشكر على مرورك وتعليقاتك بس لو لاحظتى انا ليه كلمه مشهورة يا رب تعرفى مغزاها :
( أنا أكتب ... يبقى أكيد أنا حى ... ولو إنى مش متأكد ... لكن هكتب ... لأنى بكتب لنفسى مش لحد ... بكتب علشان أفضل صاحى ... بخاف أنام لحسن أموت وأنا نايم أو حد ييجى ياخد حريتى منى ... أصلى أنا من يومى .... حر )
عارف ان عقلك سابق سنك وهتفهمى قصدى
بالمناسبه
انا ليه ناس كتير بتقرالى بس ما بعلقوش وده لسبب وجيه جدا انهم مالهمش مدونات .. يمكن علشان مش فاضيين ويمكن علشان ناس كبار حبتين ... المهم
انا هبعتلهم عنوان مدونتك لانها تستحق ان يشاهدوها
على الاقل علشان يعرفوا ان فيه شباب بتفهم بجد وسابقه سنها
أ:فهمي نديم
ميرسي بجد علي تشجيعك ليا اللي بجد صحي فيا الأمل التاني بعد ماكان تقريبا شبه مفقود انت طول عمرك بتشجعني ولو في حاجه خلتني اسبق سني يبقا اكيد حضرتك ليك جزء كبير اوي فيها وفضل كبير اووووي عليا بالرغم من اني مش بشوفك كتير بس دايما نصايحك في وداني ربنا يخليك لينا بجد.
شيتوس
هههههههههههههههههه
حلوووووووووووووووووووووووة
عمري انا*
ميرسي علي مرورك ياجميل ويارب تدوم الصله مابينا وتفضل حلووووووووه هههههههه
اختك شيتوس
إرسال تعليق